Útlendingar

Útlendingar hafa verið mikið í umræðunni núna enda kostningar í nánd. Í raun eru kostningar og prófkjörstími oft mjög áhugaverður tími, þá sér maður hvað fólk er tilbúið að selja sig ódýrt til að verða kosið. Á Íslandi þekkja allir alla og því þarf að nýta alla til að fá þessa alla til að kjósa "rétta fólkið". Einnig kemur fram í prófkjöri hvaða einstaklinga flokkarnir hafa að geyma. Það eru jú einstaklingarnir sem eru í kostningu.

Nú hefur einn flokkurinn sem ekki hefur staðið sig vel upp á síðkastið ákveið að gerast "rasista flokkur" ég set þetta í gæsalappir því að þeir eru hvítflippa rasistar, svona ekki beint en samt heldur mikið. Ég held að ég sé bara nokkuð ánægð með þessa ákvörðun Frjálslyndra að gerast hvítflippa rasistar. Íslendingar eiga það til að kaffæra hugmyndir sem ekki eru þeim þóknanlegar eins og til dæmis rasistaflokkurinn sem var hérna um árið Þjóðernisflokkur Íslendinga.

Ég held nefninlega að það sé miklu betra að hafa þessar hugmyndir uppi á lofti, það mun svo koma í ljós í kostningum að þessar hugmyndir eiga ekki upp á pallborðið hjá þjóðinni og flokkurinn dettur út af þingi. Á meðan getum við Íslendingar rætt þessi mál opið, því að það er jú staðreynd að útlendingum fjölgar hér á Íslandi og það hefur sýnt sig erlendis að oft skapast vandamál við þær aðstæður. En ekkert er verra en að tala ekki neitt um þessi mál en tala um vitleysu.

Eitt að lokum fyrir þá sem eru hræddir við aukna glæpatíðni og útlendinga þá mæli ég með þessari stuttu lestningu hér

Úkandía

Í gær þegar ég var í rólegheitum að mála rósettur á stofugólfinu hringdi dyrabjallan. Ég stökk upp vonandi að þarna væru gestir á ferð komnir til að heimsækja mig en í staðin stóðu fyrir utan tvö köld ungmenni. Þeim var ískalt og hormónarnir neistuðu úr annarsvegum svartmáluðum augum stelpunnar og bólugröfnu andliti stráksins.

Þau voru að safna peningum fyrir börn í Úkandíu.
- ha! sagði ég og var ekki alveg að átta mig á staðsetningu landsins
- Já sagði stelpan, við erum að safna svo að þau geti fengið hreint vat, vatnið sem þau fá er geðveikt skítugt, bara algjör drulla og þau fá ekki hreint vatn (sagt með mazza unglingahreim).
- Ó já en hvað sagðiru að landið heiti? Spurði ég til að reyna að átta mig á landafræði kunnáttuleysi mínu
- Æi bíddu aðeins. ...hún náði í símann og pikkaði inn á örskömmum tíma, æi meinti Úganda.
- Ó já, bíddu aðeins sagði ég og naði einhvern smá pening og afsakaði hvað hann væri lítill.

Þau voru voðalega glöð og þökkuð kærlega fyrir, sannfærðu mig um að hver króna skiptir máli og hlupu út í kvöldið.

Þar hafi þið það í Úkandíu er massa skítugt vatn!