allt í öllu

Þessa dagana er ég svolítið allt í öllu og fæ þá eins og svo margir hið marg þekkta samviskubit. Sem er alveg óþolandi. Þegar ég hef nóg að gera þá finnst mér ég ekki gera allt nógu vel, eða eins vel og mig langar til að gera. Vinnan mín getur verið svolítið óútreiknanleg og þessa dagana er hún á fullu í því að koma mér á óvart. Kannski ætti ég bara að njóta þess á meðan það varir, en það getur verið svolítið pirrandi svona þegar maður er að skipuleggja annað.

Svo er það bókin mín, þar eru næg verkefni en mig langar bara að byrja á nýjum verkefnum ekki grúska svona mikið í gömlum (ekki beint sniðugt). En það styttist sennilega í að þetta klárist svo ég ætti ekki að örvænta. Ég er með kvíðahnút og tilhlökkunar hnút yfir henni. Jii þetta er svo spennandi og líka "scary". Hvað ef  það er villa í annarri hverri uppskrift. Eða verra í hverri!!! úffff ekki hugsa svona stelpa.

Þá er það heimilið... ohhh hvað ég vildi að ég ætti sjálf skúrandi gólf, snyrtileg börn og afþurkunarklút sem ynni sjálfstætt... ohhh já!  ...vaknaður kerling!!!

Já en þá er komið að því, ég er ekki nægilega dugleg að setja eitt og annað hingað inn. Ég er sem betur fer ekki með samviskubit yfir því en samt, vildi óska að ég gæti verið öflugari.

... en hér er uglan. Það hefur ekki farið fram hjá neinum föndrara, heklara eða prjónara að uglur eru það heitasta í bransanum og það er útlit fyrir að hún sé ekkert að fara að detta úr tísku. Hérna er ein útgáfan mín. Hef nokkrar aðrar í huga en þær hafa ekki enn litið dagsins ljós. Vonandi eignast ugla litla frænku fljótlega!

Jól

Jólin eru ekkert smá góður tími, en það er líka ágætt að hugsa til þess að á sunnudaginn er þrettándinn og þá er þetta allt búið. Hálf ljúft að þurfa ekki að borða yfir sig, vera heima á náttfötum allan daginn og þurfa að hugsa bara um sig og sína. Sem er samt líka svo ljúft!

Á aðventunni fannst mér eitthvað svo rómantískt að sauma jólafötin á strákana. Var lengi ekki að drífa mig í þessu, en þá skarst mamma í leikinn. Ég var búin að finna á netinu voða sæta mynd af strák í vesti og ætlaði að gera svoleiðis vesti, buxur og derhúfu. En ég var ekki með neitt snið. Þar kom mamma sterk inn, hún fór í búðir og fann snið og hjálpaði mér svo að sníða stór-köflótta efnið sem ég hafði keypt. Þó svo að ég geti engan vegin farið 100% eftir sniðinu þá gat ekki ekki gert þetta án mömmu.

Strákarnir voru rosalega krúttaralegir í nýju jólafötunum. Ég var nokkuð viss um að ég fenig þann eldri aldrei til að fara í fötin nema að hræða hann illilega um að jólakötturinn kæmi og æti öll þau börn sem ekki væru í nýjum heimasaumuðum fötum. Spurning hvort ég hafi komið mér í klandur og verði því næstu 20 árin að sauma á hann föt... well kannski ekki næstu 20, bara 10 ár. Sjáum  til!

Ekkert á prjónunum?

Gleðilegt ár kæru lesendur :) Takk fyrir samfylgnina á liðnu ári. 

Markmiðið mitt á nýju ári er að koma út einni handavinnubók með vorinu. Eins ætla ég að vera dugleg að prófa nýja hluti í handavinnunni. Halda áfram að ögra sjálfum mér. Og kannski að vera örlítið duglegri að blogga hér? Hvur veit?

Ég hef verið með heklunálina á lofti upp á síðkastið, enda mun væntanleg bók vera öll hekluð. Ég verð að viðurkenna að mér hefur fundist ég vera að svíkja svolítið prjónana með öllu þessu hekli og ákvað því að prjóna í matartímunum í vinnunni. Góð leið til að borða minna, koma einhverju í verk og svíkja ekki prjónanna. 

Fyrir valinu var ein barnapeysa úr Róaleppabókinni góðu. Heimir naut góðs af. Ótrúlega skemmtilegt verkefni, sem tók allt, allt of langan tíma. 

En loks er hún búinn og Heimir hefur nú þegar notað hana heilan helling.

Undirbúningur

Það eru kannski ekki margir sem vita það en ég er að safan saman uppskriftum í bók. Eins og er, er ég komin með 33 uppskriftir af hekluðum hlutum og um helgina ætla ég að taka myndir ásamt henni Björt. Ónetanlega mikill spenningur í gangi hjá mér.

Hérna er mynd af nokkru sem mun rata þangað inn :) spennandi tímar!

Flúnkunýr fífill

Þar sem ég er strákamamma... eins og fram hefur komið oftar en einu sinni þá fæ ég ekki oft tækifæri á að hekla eða búa til eitthvað lítið og sætt skraut. Mínir piltar (eða allavega þessi sem hefur einhverja skoðun) vill helst, dreka, skrímsli, risaeðlur og þess háttar óhuggulegar kynjaverur.

Nema hvað. Lítill fífill varð til um daginn. Fallegt hárband á litla skvísu, nú vantar mig bara skvísuna (hún þarf sko ekki að vera mín).

Örlítið föndur

Ég er í bölvuðu veseni með að setja inn myndir allt í einu. Var með þrjár svona step-by-step myndir til að sýna en svo get ég bara sett eina mynd inn. Þannig að hún verður að duga. Málið er að ég er að selja Tupperware sem er ekki frásögu færandi (nema þú viljir halda kynningu þá bara að bjalla blikk blikk), nema að mér var bent á þetta frábæra trix um daginn með Tupperware dósaopnaranum. 

Sko! Opnarinn er alveg frábær, í stað þess að skera niður í lokið og búa til beittar brúnir þá sker hann í kringum dósina. Þetta verðu til þess að maður sker sig ekki á köntunum og jafnvel er hægt að tilla lokinu aftur á dósina. 

En núna er ég að fara í afmæli hjá einum flottasta áttar frænda mínum og í stað þess að opna dósina eins og gert ráð fyrir með flipanum þarna að ofan. Þá að opna dósina með TW dósaopnaranum að neðan. Svo er gjöfinni rúllað upp (á að vera mynd af því) og botninn límdur aftur með límbyssu. Þá er gjöfin tilbúin í loftþéttum umbúðum, eða svona næstum! Og ég hlakka mikið til að spæla afmælisguttann með niðursoðinni dós í stað þess að gefa honum "alvöru" pakka.

Blómasmekkur

 

Lítill slefsmekkur varð til í haust, hef verið léleg að setja inn myndir hérna. Þetta er ekki flókinn smekkur, 6 litlar dúllur raðar upp eins og skupla og ...whallo!!

sá eineygði

Hvernig get ég skrifað um eineygða skrímslið án þess að roðna smá. En hann var til því það vantaði vin á heimilið sem hægt væri að halda auðveldlega á og tuskast með. Svo er hægt að flækja puttunum um augnhárin og tunguna. Hann er svolítið sætur á sinn sérkennilega hátt. En þar sem ég stefni á að láta taka myndir af tuskudýrunum mínum um jólin þá má ekki leika sér með hann... ...þvílíkt frat! Það er svolítið erfitt fyrir guttana mína að skilja það, skiljanlega. En þangað til er hann falinn, þrátt fyrir það hef ég fundið hann í faðmlögum við þann elsta þegar allar mýs eru komnar í háttinn.

Geimveruhúfa

Ég er að vinna mig í gegnum smá skemmtilegt verkefni sem ég get vonandi montað mig af síðar. Hérna er ein sæt húfa hekluð úr léttlopa. Hún er svolítið eins og krakkar eru. Stundum glaður og svo lítur maður í hina áttina og þá er allt farið í "wholl" Geimveruhúfan er líka hlý og svo er hægt að naga trékúlurnar þegar tennurnar eru að pirra góminn. 

Hr. Hrólfur

Hæ hæ, má ég kynna fyrir ykkur Hr. Hrólf? Hann þekkir Frk. Vélmenni. Það er samt ekki hægt að segja að þau séu vinir, þau eru meira svona kunningjar. Hr. Hrólfur er frábær dansari og Frk. Vélmenni fílar það vel. Það er samt eitthvað við Hr. Hrólf sem Frk Vélmenni veit ekki hvernig á að bregaðst við. Kannski er það vegna þess að hann er svolítið nörd, eða það segja vinkonur Frk. Vélmennis allavega. Hann notar gleraugu, en samt bara heima þegar hann er einn eða þegar hann er í kringum fólk sem hann þekkir mjög vel. En hann dansar eins og vindurinn og hver fellur ekki fyrir því?

ég hjarta þig

XOV

XOV er ný komið til landsins, í raun er XOV nýkomið til jarðarinnar. Hresst og kátt að vanda. Það er mjög eftirtekktasamt, enda með þrjú augu og tekur eftir öllum breytingum, hvort sem það er ný hárgreiðsla, blettur á bolnum eða rykkorn í hornum. Enda með þrjú augu og tvo heila. Spurning hvort að nokkur vilji í raun fá XOV í heimsókn, miklu betra að hittast á kaffihúsi, íbúðin er nefninlega aldrei of hrein fyrir það.

Vinkonu lykklakippur

Ég fékk um daginn spennandi verkefni upp á borð til mín. Hér í borg eru nefninlega lykklakippu vinkonur sem gefa hvor annarri lykklakippur á góðum dögum. Mér var því falið það verkefni að hekla þær stöllur.

  

Ég fékk teikningu sem ég átti að fara eftir. Lita palletta fylgdi líka gult, túrkís og brúnt fyrir þá rauðhærðu og bleikt, brúnt og túrkís fyrir þá ljósbrúnærðu. Um er að ræða stórbrjósta pæjur og þetta átti að vera til innan 10 daga. Það var því lítið annað að gera en að hefjast handa. 

 

Útkoman var þessi. Tvær skvísur, í túrkísbláum hælaskóm, stórbrjósta og með sítt hár. Tilbúnar að gæta lyklanna þeirra. Hlakka til að heyra hvernig afmælisbarninu líkar þær. 

Svæfill fyrir syfjuð kríli

Þetta er svæfillinn Lúkas. Báðir strákarnir mínir hafa átt svæfill sem þeir sofa með og fyrstu mánuðina voru þeir mikið notaðir. Það er eitthvað svo kósí við svæfil, eitthvað svo fallegt. Lúkas er heklaður og ef hann er heklaður úr svolítið grófu garni og svolítið þétt er mjög gott að naga nefið hans þegar tennurnar fara að koma. Tala nú ekki um að flækja puttunum í tuskuna.

Mjög töff snagar ala Valur bróðir - GESTA BLOGG

Bloggið mitt er aldrei meira alvöru en þegar ég fæ gestabloggara til að sýna listir sínar. Núna er það snillingurinn hann bróðir minn, Valur, sem er gestur Z-unnar. Hann, konan hans Þóra og litla krúttsprengjan sonur þeirra, hann Þórir eru ný flutt í fallega íbúð. Þau hjónaleysin hafa gert íbúðina mjög fallega og kósí og mér það kom mér á óvart hversu lunkinn Valur er við alskonar föndur. Hér sýnir hann snilli sína í að búa til mjög töff snaga. Gefum honum orðið.

-x-x-x-x-x-

Ég fór í Epal um daginn og sá mjög töff snaga, þ.e. svona marglitaðar kúlur sem stóðu einar og sér út úr vegnum. Mér fannst þær mjög flottar, en fannst nokkuð bilað að kaupa þær á ca. 5-6 þús stykkið.

Ég ákvað að búa til mína eigin snaga, bæði af því að það er töff :) og líka til þess að andyrið mitt sé ekki eins og andyrið hjá 100 öðrum á Íslandi. Það er nefninlega nokkuð pirrandi að ef eitthvað er flott á Íslandi, þá eiga það allir (sem gerir það minna flott fyrir vikið).

Orginal hugmyndin kom af netinu (http://www.instructables.com/) en það er mjög töff síða fyrir svona DIY (Do-It-Yourself) verkefni, það er vest þó að álagningin á skrúfur, spýtur og annað smádrasl er svo mikil á Íslandi að það eru ekki mörg verkefni sem borga sig.


Það sem þú þarft til þess að búa til steypuperur er eftirfarandi:
1) Sement, ég keypti "Småmur" í Húsasmiðjunni (3 kg. dúnkur, er nóg í ca. 10-15 perur. Ég myndi passa mig á hraðþornandi sementi, ég prófaði það og náði varla að hræra það saman áður en það fór að harna...
2) Pera ónýt eða ný (kostar ca. 70 kr. í Bónus)
3) stórar skrúfur til þess að festa í peruna og skrúfa í vegginn. Ég var með 12 cm skrúfur sem ég fann í Húsamiðjunni.
4) Eitthvað til að blanda sementið í.
5) Eitthvað til þess að styðja við perurnar á meðan þær eru að þorna.
6) Öryggisglerugu, helvítis glerbrotin skjótast út um allt :)
7) Trekt, ég fann nokkrar í Byko á 400 kr. Ég sá þær líka í Bónus um daginn, þar voru þær eitthvað ódýrari.

Síðan er bara að hefjast handa.



























Þú notar töng til þess að taka málmsnertiflötinn aftan á perunni af. Bara klemma hann og toga, hann fer nokkuð auðveldlega.


Þú brýtur þetta svarta sem er á perunni, það er eitthvað glerkennt efni sem gefur nokkuð auðveldlega eftir.
Eftir það þá er bara að troða einhverju hörðu t.d. skrúfjárni eða sexkannti niður í peruna og hreina innan úr henni tilgangurinn með þessu er að búa til leið fyrir steypuna niður í peruna.

Stundum er maður full grófur og rústar einni og einni peru, en það bara gaman :)

Maður er nokkuð fljótur að gera nokkrar perur í einu, enda er lang best að gera allt í einu þar byrjunartíminn er svo mikill að þú ert 90% af tímanum sem fyrstu peruna og 10% með næstu 5.
Ég mæli því með því að gera nokkrar í einu.

Ef perurnar eru með einhverri húð að innan þá þarf að skola þær og hreinsa þær til. Síðan þarf að bíða þar til þær þorna. (tímafrekt því miður), en fyrir þá sem nenna ekki að bíða er hægt að opna perukassana í búðinni og athuga hvort að þær séu alveg glærar eða mattar.

Síðan er bara að hefjast handa við að blanda múrinn (eða steypuna, eftir því hvað þú vilt vera nákvæmur). Ég var með drasldollu sem ég blandaði þetta í og hrærði bara í með höndunum, enda magnið ekki geðveikt.

Síðan notar maður trektina til að troða þessu niður.
ATH með mismiklu vatni færðu mismunandi áferð, ef þú vilt fá sléttari áferð notarðu meira vatn og ef þú vilt fá hrjúfari áferð þá notarðu minna vatn. Ég prófaði bæði og fannst bæði geðveikt töff :)

Síðan seturðu skrúfuna í (skrúfan þarf að vera nógu sterk til að halda uppi ca. 10-20 kg.) Svo ég valdi mjög myndarlegar skrúfur. Passiði bara að skrúfuhausinn passi ofan í perustæðið.

Síðan er bara að bíða í ca. 2-3 daga á meðan steypan harnar.

Þegar steypan er hörnuð þarftu að brjóta glerið burt, hérna skal setja upp geraugun því glerið er óhrætt við að hoppa í allar áttir. Best er að nota eitthvað hart og berja laust, en samt nógu fast til að brjóta glerið.
Þetta er skemmtilegasti hlutinn því snaginn er alveg að verða tilbúinn :) Ég mæli líka með að fara með eitthvað hart og oddhvasst í efsta hluta perunnar því glerið á það til að vera nokkuð fast þar uppi. Ég notaði auka skrúfu til þess að losa um glerið.

Þegar þetta er búið er peran tilbúinn. Þá er bara að bora í veginn og hengja upp... WHALLA !!

Fíllinn Oddur

Það er eitthvað að gerast hérna í Vesturbænum. Heklunálin er farin að hreyfast meira og meira á kvöldin og lítil tuskudýr verða til. Þetta litla krútt varð til um daginn. Hef verið með fílinn "í maganum"  síðan ég prjónaði þennan hér um árið.

 Þetta er hann Oddur, hann er ótrúlega feiminn en mjög hæfileikaríkur. Hann á sér draum að verða virtur listamaður en kemst einhvernveginn ekki úr því hlutverki að vera bleiki fíllinn í herberginu. Hann er jú bleikur stráka fíll.

Einu sinni var honum strítt fyrir að vera með stór eyru, en nú er hann mjög feginn að geta falið sig á bak við þau.

Hann veit samt fátt skemmtilegra en að leika sér og dansa og taka guðdómlega fallegar ljósmyndir.

Sokka skór

Mér finnst eitthvað svo napurt að sjá ungabörn úti á sokkunum. Þó svo að þau stígi aldrei fæti niður í raun, en þá er eitthvað við sokka svo kuldarlegt úti. Þó vil ég heldur ekki klæða strákana mína í stífa skó. Úr varð að ég heklaði þessa sokkaskó á Heimi um daginn (lesist í mars). Loksins varð ég af því að pósta því hingað inn. 

Eins og annað sem ég geri þá eru hugmyndirnar mínar aldrei 100% mínar (eins og ég held að allar hugmyndir séu, ekki alveg 100% hreinar). En ég sá svipaða skó að vísu saumaða á Etsy, sjá hér

 Tölurnar gaf mamma mér þegar ég var ólétta af Heimi, þær eru ótrúlega fallegar en kostuðu víst hönd og fót. Mér finnst ekkert smá leiðinlegt hvað tölur eru dýrar.

Svona lítur þetta út á fæti.

og hérna eru skósokkarnir í tveimur litum og svolítið "girly".

Ég hef enn ekki skrifað upp uppskriftina, en ætti að drífa í því áður en hún tapast alveg :)

Lifa og læra

Ég á átti afmæli um daginn og Halldór var svo flottur á því að gefa mér ljósmyndanámskeið í afmælisgjöf, ekkert smá skemmtilegt. Sérstaklega þar sem ég á mjög fína vél en hef hingað til ekki kunnað nóg á hana. Námskeiðið eru fjögur skipti, nú þegar eru tvö búin og ég hef lært heilmargt.

Fyrir helgi fengum við heimaverkefni, taka 10 myndir af hinu og þessu. Ég endað með að taka þessar: 

 Form

 Andstæður

 Tveir litir

 Portrett

 Portrett 

(langaði mikið að velja þessa þar sem Högni er svo sætur en ákvað að vera góður nemandi og senda inn hina af Halldóri hún er jú meira í takt við það sem við áttum að senda inn... er enn samt á báðum áttum hvort það hafi verið rétt val)

 Hlutur tekinn inni og ekki nota flass (sem er ekki beint erfitt á þessum árstíma þegar allt er svo bjart)

 Taktu mynd eins nálagt og þú getur (á ekki góða zoom linsu, en finnst þessi vera ævintýraleg)

 Hreyfing

 Gamalt

 Áferð

Ljós og skuggi

Mikið hlakka ég til að fá gagnrýnina (þe ef hún er góð he he he) og læra meira.