Garnbana átakið mikla og verkefni tengd því

Ég er að taka þátt í garnbana átaki Hnoðra og hnykla á Facebook sem er ótrúlega þarft átak. Allavega þarft fyrir garn-junkies eins og mig. Reglan er sú að nota það garn sem nú þegar er til á heimilinu og ekki kaupa nýtt. Ég "neyðist" til að saxa á ótrúlegt magn af garni sem ég á. Mjög gott... og skapar pláss fyrir nýtt garn.. ho ho ho.

Eitt af því sem ég hef gert er þessi trefill hér, heklaður úr færeysku garni sem ég verslaði sumarið 2010 en hafði ekki verkefni fyrir það þá. Það er svolítið gróft og ég var nokkuð efins á mðan ég var að vinna úr því, eftir ég var búin að þvo garnið varð það dúnmjúkt og gott að hafa um hálsinn. Svo ég varð sáttari. 

Markmiðið var að koma því í Sýrlandssöfnunina en ég var of sein, ekki að hekla það heldur að drífa mig með það á staðinn, bjáninn ég. Ætla samt með það því að Rauði krossinn er alltaf að safna handunni vöru og senda til Hvíta Rúslands. Það fer allavega þangað sem þess er þörf, það er nokkuð víst.   

Litað garn

Það er svo spennandi að lita garn. Mér finnst fátt meira töff en heimalitað garn en samt geri ég allt of lítið af því. Sennilega er það vegna þess að ég veit aldrei hvernig litaútkoman verður og því hef ég ekki verkefni í huga áður en ég byrja. Byrja kannski á vitlausum enda?

Mamma og pabbi fóru vestur í haust og tíndu ótrúlegt magn af berjum. Mamma saftaði tvisvar úr krækiberjunum, ummm dýrindis safi sem kom úr þeim fullur af orku og vítamínum úr íslenskir náttúru, er hægt að biðja um það betra? Held ekki. Hún gaf mér svo hratið til að nota í litun. Ég slefaði alveg yfir litnum á tuskunni sem hún notaði til að þrífa eftir saftið, en fallega fjólublár! vá!

Ég ákvað svo að skella berjunum sem við Högni tíndum með Önnu og Andra um daginn við hratið frá mömmu.

Garnið sem ég ákvað að nota er garn sem ég fékk eftir að fallega Amma Ína féll frá. Bleiki liturinn er ekki mikið notaður á þessu stráka heimili og svo átti ég auka tvær dokkur í hvítum lit svo ég ákvað að prufa þetta saman.

Þá var það bara að byrja. Ég skellti hratinu í pott, mamma var búin að frysta það svo að ég bætti smá vatni við hratið svo í byrjun.

Svo tók ég indverska töfrasprotann og tók nettan Dexter á þetta. Hakkaði berin sem við Högni tíndum alveg í spað.

Svo var byrjað að kreista safna úr hratinu og berjunum. Það tók enga stund svo sem, berin voru mjög safarík.
Ég ákvað að skella líter af vatni út í safan svo að ég fengi nóg saft til að vinna með. Á þessum tímapunkti var ég mikið að pæla að búa bara til berjasaft, það er svo gott að staupa sig á morgnana með einu staupi af krækiberjasafti. En nei ég ákvað að halda áfram. Skellti slurk af ediki og salti úti og þá var ekki aftur snúið.

Ég nennti ekki að vinda dokkurnar upp á nýtt heldur skellti þeim bara heilum ofan í, liturinn var svo sterkur og fallegur. Lét þetta malla við vægan hita í um klukkustund.
Þá var bara að skola og skola vel úr köldu vatni.


Afraksturinn fallega fjólublátt garn, sem ég held að gæti verið fallegt með skær grænu eða? Eru þið með hugmyndir? Það er smá lita munur á garninu ég held að þetta ljósara hafi verið bleikt og dekkra hafi verið hvíta garnið. Ég er mjög ánægð með útkomuna og hlakka mikið til að prjóna eitthvað fallegt á þá bræður :)

Heklað fyrir litla snúð

Munið eftir þessum pósti hér og ég vissi ekkert hvað ég átti að gera úr nýja bómullargarninu sem ég hafði keypt í Sösterne Grene.

Ég ákvað að skella í einn bangsa handa verðandi erfingja no. 2 (þegar Högni var ófæddur átti hann ofur mörg falleg gælunöfn, en þetta grey sem er áætlað í heiminn í dag hefur ekki fengið neitt nafn, týpískt barn no.2?).

Ég gat ekki gert upp á milli hvort ég ætti að nota túrkísbláa eða fagur græna litinn svo ég notaði þá bara báða. Er voða sátt með útkomuna.


Högni var voða hrifinn af kanínunni "sinni". Það þurfti smá sannfæringu að þessi kanína væri fyrir litla barnið, hann ætti aðra og hún væri blá. Kanínan hans var grafin upp úr dótakassanum og hann hefur ekki sleppt henni síðan, sofnar með hana og vill hafa hana hjá sér. Já nú nálgast dagurinn þar sem samkeppnin um athyglina byrjar...

Garn

Það færst orðið garn á fáránlegustu stöðum og oft bara alveg ágætlega fallegt garn. Um daginn rakst ég á þessar dokkur í Sösterne Grene. Ekkert ofsalega ódýrt, rúmlega 300 kr. dokkan, en fallegir eru litirnir og ég hlakka til að skapa eitthvað fallegt úr þessu djásni.

Hvað það verður veit enginn :) enda vandi um slíkt að spá. Er nokkuð farið að styttast til jóla?

Stelpu húfa

Þessa húfu er ég búin að geyma lengi. Er alltaf á leiðinni að setja hana hingað inn en aldrei verður neitt af því.

Svo að ég vitni í sætan strák...
Þá er það vegna þess að "í fyrsta lagi A" hef ég ekki fengið nægilega gott módel til að sitja fyrir með húfuna og eins á þetta að vera gjöf. Það eru ófáir pakkarnir sem þessi húfa hefur átt að fara í en einhverra hlutavegna er hún enn hérna heima í "gott að grípa í gjafir-kassanum" og ég hef ekki viljað setja hana hingað inn fyrr en hún hefur farið að heiman, ef svo má segja.

En nú í kvöld gafst ég upp. Fékk ábendingu um að ég væri allt of löt við að uppfæra síðuna svo að ég lét slag standa. Húfan er prjónuð úr fallegu gráu Navia garni og blómið er úr endur unnum silkiþráðum það garn keypti ég dýrum dómi í Hveragerði fyrir ekki svo löngu. Uppskriftina fann ég hér en þegar prjónað er úr Navia Passion varð húfan passleg á ca einsárs.

17. júní peysan sem breytist í 31. janúar peysan

já þessa peysu ætlaði ég að nota 17. júní síðastliðinn. Var alveg ákveðin í því að hún væri kjörin sem svona sumar-hlý-peysa. Ekta til að vera í á köldum sumarkvöldum.

En svo liðu dagarnir, vikurnar og mánuðirnir og peysan var óhreyfð. Það var ekki fyrr en ég kíkti á bloggið hennar Arndísar að ég lét mig hafa það. Hún var að segja frá hóp á Ravelry sem væri með það verkefni að ljúka einhverju verkefni í lok febrúar svo að ég sló til og ... whalla! Peysan er tilbúin og enn er janúar!

Þú kannski spyr þig af hverju tók þetta svona langan tíma. Peysan er í raun þannig séð ekkert flókin, bara garðaprjónn. En ef maður hefur 8 hnykla í einu á meðan maður prjónar þá er maður endalaust í því að leysa svona...

og svona...
og svo allir endarnir og, og, og...
ertu ekki alveg að "feel my pain"?

En ég er allavega mjög ánægð með að vera loks búin með hana. Nú þarf ég bara að nota hana. Það sorglega er að líkurnar á að ég noti hana eru skelfilega litlar, hef sjaldnast notað þær peysur sem ég prjóna á sjálfan mig. En við látum allavega reyn á það.

Jólasveinahúfa

Í fyrra var Stubburinn minn ekki alveg jafn þrjóskur og hann er í ár. Þá var hægt að "plata" til að vera með alskonar sætar húfur og í krúttaralegum fötum. Núna vill hann bara vera í því sem hann hefur áður verið í, ekki verra ef það er mynd af kónguló á fötunum.

Í fyrra prjónaði ég þessa húfu (hentar vel fyrir 1-2 ára) læt uppskriftina fylgja með.
Ég segi þetta mína uppskrift en auðvita er hægt að notast við hvaða skotthúfu uppskrift sem er:

Ég notaðist við afganga sem ég átti en ég mæli með að nota mjúkt garn sem passar vel fyrir prjóna no. 2,5

Fitijið upp 120 lykkjur og prjónið 5 cm stroff, 2 sléttar 2 brugnar með hvítu
Skiptið yfir í rautt garn. Fyrsta umferðin er prjónuð rauð, aukið um eina lykkjur við 24 hverrja lykkju = als 125 lykkjur. Prjónið áfram þar til húfan mælist 11 cm.

Þá hefst úrtakan: Merkið á fimm stöðum með jöfnu milli bili (25 lykkju fresti). Takið út á fimm stöðum í þriðju hverri umferð þar til 5 lykkjur eru eftir. Fellið af og bætið dúsk við.
Gangið frá öllum endum og gefið einhverjum Stúf húfuina.

Jólakúl

Þegar maður dettur niður á fallegt heimagert jólaskraut má maður til með að deila því. Á blogginu Lopinn af kindinni okkar, var birt í fyrra uppskrift af lopa jólakúlu, eða jólakúl. Ótrúlega einfallt og fallegt föndur. Ég prjónaði ófáar í fyrra, sumar fóru á pakka, aðrar voru í pakka og enn aðrar fóru á jólatréð. Brota, brot af jólaföndrinu 2009.

Prjónað úr afgöngum

Ef ég á að halda úti þessari heimasíðu þá þarf ég víst að henda inn færslu við og við. Það er búið að vera mjög mikið að gera upp á síðkastið, en ég hef líka verið dugleg að prjóna. Það sem vantar er að taka myndir af því sem ég geri og henda því hingað inn. Vonandi verður bót á máli.

Í sumar fór ég í sjálfskipað "prjónagarn-verslunar-bann". Mjög fúlt bann, en ég get víst ekki kennt neinum um nema sjálfum mér. Málið er að ég var búin að fylla alla dunka, skúffur og skemla af garni og afgöngum og ég varð að stoppa. Það er bara ákveðið mikið magn sem maður getur átt af hnyklum sem keyptir voru fyrir "eitthvað fallegt".

Ég hef fengið æði fyrir að prjóna húfur. Húfurnar áttu að vera jóla og afmælisgjafir, en ég er ein af þeim sem get ekki beðið með að gefa gjafirnar, svo að allir hafa fengið sína húfu nú þegar. Kannski ég geymi það sem ég prjóna næst og bíð fram að jólum. Ye right!

Hérna má sjá tvær húfur sem ég prjónaði handa Helgu Maríu og Örnu. Ég var að bíða eftir mynd af þeim systrum en ég nenni ekki að bíða. Kannski ég set hana hingað inn síðar. Uppskriftina af húfunum má finna í fyrstu Prjónaperlubókinni og er ekki erfið, þvert á móti. Uppskriftin heitir Rósa rauða og er eftir Halldóru Skarphéðinsdóttur. Rósin sem er næld í er gerð úr efnisbútum og ég fjalla stuttlega um hér

-----
If I want to maintain this page, I may occasionally need to throw in a post or two. I have been busy but at the same time very active in knitting, but not as good at taking pictures and writing about it. Hope that there will be some improvement soon.

Then this summer I've been on a yarn-purchasing ban. A very frustrating ban my I ad, but apparently I can only blame myself. The thing is that I had filled all the boxes and drawers with yarn and I had to stop. I'm quite amazed what Halldor has been sweet about it, I know I wouldn't be if it was all his stuff.

Well, to the point, I have endless amounts of yarn that has been bought for "something sweet/fun project"

These days I knit hats. The hats were supposed to be Christmas and birthday presents, but I'm one of those people who can not wait to give gifts, so I have given them all away... well maybe I can wait with the next thing I knit? Ye right!

Here are two hats I made for Helga Maria and Arna. I was waiting for a photo of the sisters but ... I will post it later. The pattern of the hats can be found in the book Iceland knits (first book) and the hat is called Rosie the red by Halldóra Skarphéðinsdóttir. The flat flowers are made out of materials left overs, but I once wrote about them here

hópverkefn

Þar sem ég hef verið ósköp löt að skifa hingað inn, fær einn "svind" póstur að fljóta. Þetta er ekki mitt hugvti, en gæti verið skemmtilegt. Fékk þennan tölvupóst frá einni í vinnunni:

"Á prjónakaffinu okkar (Garnbúðin Gauja) mánudaginn 01. nóvember s.l. kynntum við nýtt áskriftarverkefni sem er svokallaður dagatalatrefill (sjá mynd)

Í treflinum eru 24 mynstur og fyrirkomulagið er þannig að við sendum út eitt mynstur út í einu, 2svar í viku (við sendum út fyrsta mynstrið síðastliðinn föstudag)

Þær sem áhuga hafa á að bætast á listann okkar eru vinsamlegast beðnar um að senda okkur tölvupóst til baka.

Þetta er ykkur að kostnaðarlausu og engar kvaðir um að kaupa af okkur garnið í trefilinn. Við sjálfar erum að nota Rasmilla Luxusgarnið í trefilinn og fara ca.3 1/2 dokka í verkefnið."

Ef þú hefur áhuga á þessu verkefnið þá er emalið: guja@guja.is

Yummý!!!

Það verður eitthvað mega girnilegt sem kemur út úr þessu!!!

Mig klæjar alveg að byrja á þessu...

--

It may be something delicious that comes out of this!

I just cant wait to start working with it...