Viltu hóa saman hóp og læra að hekla?

Örlítið föndur

Ég er í bölvuðu veseni með að setja inn myndir allt í einu. Var með þrjár svona step-by-step myndir til að sýna en svo get ég bara sett eina mynd inn. Þannig að hún verður að duga. Málið er að ég er að selja Tupperware sem er ekki frásögu færandi (nema þú viljir halda kynningu þá bara að bjalla blikk blikk), nema að mér var bent á þetta frábæra trix um daginn með Tupperware dósaopnaranum. 

Sko! Opnarinn er alveg frábær, í stað þess að skera niður í lokið og búa til beittar brúnir þá sker hann í kringum dósina. Þetta verðu til þess að maður sker sig ekki á köntunum og jafnvel er hægt að tilla lokinu aftur á dósina. 

En núna er ég að fara í afmæli hjá einum flottasta áttar frænda mínum og í stað þess að opna dósina eins og gert ráð fyrir með flipanum þarna að ofan. Þá að opna dósina með TW dósaopnaranum að neðan. Svo er gjöfinni rúllað upp (á að vera mynd af því) og botninn límdur aftur með límbyssu. Þá er gjöfin tilbúin í loftþéttum umbúðum, eða svona næstum! Og ég hlakka mikið til að spæla afmælisguttann með niðursoðinni dós í stað þess að gefa honum "alvöru" pakka.

Mjög töff snagar ala Valur bróðir - GESTA BLOGG

Bloggið mitt er aldrei meira alvöru en þegar ég fæ gestabloggara til að sýna listir sínar. Núna er það snillingurinn hann bróðir minn, Valur, sem er gestur Z-unnar. Hann, konan hans Þóra og litla krúttsprengjan sonur þeirra, hann Þórir eru ný flutt í fallega íbúð. Þau hjónaleysin hafa gert íbúðina mjög fallega og kósí og mér það kom mér á óvart hversu lunkinn Valur er við alskonar föndur. Hér sýnir hann snilli sína í að búa til mjög töff snaga. Gefum honum orðið.

-x-x-x-x-x-

Ég fór í Epal um daginn og sá mjög töff snaga, þ.e. svona marglitaðar kúlur sem stóðu einar og sér út úr vegnum. Mér fannst þær mjög flottar, en fannst nokkuð bilað að kaupa þær á ca. 5-6 þús stykkið.

Ég ákvað að búa til mína eigin snaga, bæði af því að það er töff :) og líka til þess að andyrið mitt sé ekki eins og andyrið hjá 100 öðrum á Íslandi. Það er nefninlega nokkuð pirrandi að ef eitthvað er flott á Íslandi, þá eiga það allir (sem gerir það minna flott fyrir vikið).

Orginal hugmyndin kom af netinu (http://www.instructables.com/) en það er mjög töff síða fyrir svona DIY (Do-It-Yourself) verkefni, það er vest þó að álagningin á skrúfur, spýtur og annað smádrasl er svo mikil á Íslandi að það eru ekki mörg verkefni sem borga sig.


Það sem þú þarft til þess að búa til steypuperur er eftirfarandi:
1) Sement, ég keypti "Småmur" í Húsasmiðjunni (3 kg. dúnkur, er nóg í ca. 10-15 perur. Ég myndi passa mig á hraðþornandi sementi, ég prófaði það og náði varla að hræra það saman áður en það fór að harna...
2) Pera ónýt eða ný (kostar ca. 70 kr. í Bónus)
3) stórar skrúfur til þess að festa í peruna og skrúfa í vegginn. Ég var með 12 cm skrúfur sem ég fann í Húsamiðjunni.
4) Eitthvað til að blanda sementið í.
5) Eitthvað til þess að styðja við perurnar á meðan þær eru að þorna.
6) Öryggisglerugu, helvítis glerbrotin skjótast út um allt :)
7) Trekt, ég fann nokkrar í Byko á 400 kr. Ég sá þær líka í Bónus um daginn, þar voru þær eitthvað ódýrari.

Síðan er bara að hefjast handa.



























Þú notar töng til þess að taka málmsnertiflötinn aftan á perunni af. Bara klemma hann og toga, hann fer nokkuð auðveldlega.


Þú brýtur þetta svarta sem er á perunni, það er eitthvað glerkennt efni sem gefur nokkuð auðveldlega eftir.
Eftir það þá er bara að troða einhverju hörðu t.d. skrúfjárni eða sexkannti niður í peruna og hreina innan úr henni tilgangurinn með þessu er að búa til leið fyrir steypuna niður í peruna.

Stundum er maður full grófur og rústar einni og einni peru, en það bara gaman :)

Maður er nokkuð fljótur að gera nokkrar perur í einu, enda er lang best að gera allt í einu þar byrjunartíminn er svo mikill að þú ert 90% af tímanum sem fyrstu peruna og 10% með næstu 5.
Ég mæli því með því að gera nokkrar í einu.

Ef perurnar eru með einhverri húð að innan þá þarf að skola þær og hreinsa þær til. Síðan þarf að bíða þar til þær þorna. (tímafrekt því miður), en fyrir þá sem nenna ekki að bíða er hægt að opna perukassana í búðinni og athuga hvort að þær séu alveg glærar eða mattar.

Síðan er bara að hefjast handa við að blanda múrinn (eða steypuna, eftir því hvað þú vilt vera nákvæmur). Ég var með drasldollu sem ég blandaði þetta í og hrærði bara í með höndunum, enda magnið ekki geðveikt.

Síðan notar maður trektina til að troða þessu niður.
ATH með mismiklu vatni færðu mismunandi áferð, ef þú vilt fá sléttari áferð notarðu meira vatn og ef þú vilt fá hrjúfari áferð þá notarðu minna vatn. Ég prófaði bæði og fannst bæði geðveikt töff :)

Síðan seturðu skrúfuna í (skrúfan þarf að vera nógu sterk til að halda uppi ca. 10-20 kg.) Svo ég valdi mjög myndarlegar skrúfur. Passiði bara að skrúfuhausinn passi ofan í perustæðið.

Síðan er bara að bíða í ca. 2-3 daga á meðan steypan harnar.

Þegar steypan er hörnuð þarftu að brjóta glerið burt, hérna skal setja upp geraugun því glerið er óhrætt við að hoppa í allar áttir. Best er að nota eitthvað hart og berja laust, en samt nógu fast til að brjóta glerið.
Þetta er skemmtilegasti hlutinn því snaginn er alveg að verða tilbúinn :) Ég mæli líka með að fara með eitthvað hart og oddhvasst í efsta hluta perunnar því glerið á það til að vera nokkuð fast þar uppi. Ég notaði auka skrúfu til þess að losa um glerið.

Þegar þetta er búið er peran tilbúinn. Þá er bara að bora í veginn og hengja upp... WHALLA !!

Nýtt blogg til að fylgjast með

Ohh svo gaman að rekast á nýtt og skemmtilegt handavinnublogg.
Hérna er eitt Delia creates og hún er með þema núna "Nesting" ekki verra þegar maður er með lítinn nýfæddan hérna hjá sér.



Nú þarf ég bara að koma þeim eldri til heilsu svo að ég hafi einhvern tíma í svona dútl!

Aðventudagatal

Í minningunni fékk ég aldrei súkkulaðidagatal þegar ég var lítil. Mamma man sennilega eitthvað annað. En mamma saumaði aftur á móti mjög flotta jólasokka þar sem litlu góðgæti var lumað í hvern sokk 24 dögum fyrir jól og var miklu fallegra en súkkulaðidagatal. Mig langar mikið að prjóna svona vettlingadagatal eins og sést hér, en það verður gert einverntíman þegar ég hef meiri tíma en núna með barn á brjósti. Eins hefur Ína siss lagt inn pöntun þannig að ég mun þá víst prjóna 48 stk af vettlingum svo það er spurning hvort ég leggi einhverntíman í það.

Ég lagði þó í að gera dagatal handa Högna í ár. Það var gert svolítið á síðasta snúningi eða 2. des og gripið það sem til var á heimilinu, það er því smá "takí" sem er bara sætt þegar maður er tveggja að verða þriggja.

Hvítmálaðar birkigreinar og litlir heimaútbúnir pakkar (sjá hvernig þeir eru gerðir hér að neðan). Pappírinn fékk ég í Tiger á lítið, sem er ekki verra.

Það er mikill spenningur að opna pakkann á hverjum degi og smá erfitt að skilja að maður má bara opna einn pakka í einu. Ég ákvað að hafa ekki númeraða pakka, það má bara velja sér þann pakka sem maður vill hverju sinni. Stundum eru súkkulaði rúsínur, stundum hlaupbangsar...

...í þetta sinn var "apanammi" eða þurrkaðir ávextir. Allt jafn töff að mati hr. Högna.

DIY jóladagtal

Í fyrra fylgdist ég með jóladagatali Eyrúnar á Fimmtudagsföndrinu, en hún er því miður hætt að blogga. Allavega í langri pásu. Og þá sá ég þessa kassa sem mér fannst svo sætir.

Hún kenndir hér hvernig hægt er að brjóta þá saman, en það er einn hluti sem vafðist fyrir mér og ég ætla því að athuga hvort að ég geti gert þetta skiljanlegra. Það má allavega reyna það.

Til að byrja með þarf 8 ferhyrninga, ég notaði 10x10 cm.

Þá er að byrja að brjóta blaðið til helminga.
Þá næst er önnur hliðin brotin til helminga, svona!
Þá er blaðið brotið þvert til helminga (mikið um helminga enn sem komið er)
Þá er hægra neðra hornið brotið til miðju
og vinstri hliðin brotin horn í horn (sjá punktalínu) þessi hluti þvældist fyrir mér.
Þá lítur blaðið svona út.

þá er hornið sem stendur út í loftið brotið undir botninn og fyrsta hornið í kassanum er tilbúið
og það lítur svona út. Þá er að brjóta hin 7 hornin út.
Þá þarf að flétta hornunum saman. Athugi að ef botnin er ekki fléttaður saman (þe hornunum ofið saman) þá verður kassinn mjög laus í sér. Þetta tekur smá þolinmæði til að byrja með en eftir 24 kassa verður þetta lítið mál.

Og kassinn er tilbúin með loki. Líka hægt að nota til að pakka inn litla fallega gjöf.

Litað garn

Það er svo spennandi að lita garn. Mér finnst fátt meira töff en heimalitað garn en samt geri ég allt of lítið af því. Sennilega er það vegna þess að ég veit aldrei hvernig litaútkoman verður og því hef ég ekki verkefni í huga áður en ég byrja. Byrja kannski á vitlausum enda?

Mamma og pabbi fóru vestur í haust og tíndu ótrúlegt magn af berjum. Mamma saftaði tvisvar úr krækiberjunum, ummm dýrindis safi sem kom úr þeim fullur af orku og vítamínum úr íslenskir náttúru, er hægt að biðja um það betra? Held ekki. Hún gaf mér svo hratið til að nota í litun. Ég slefaði alveg yfir litnum á tuskunni sem hún notaði til að þrífa eftir saftið, en fallega fjólublár! vá!

Ég ákvað svo að skella berjunum sem við Högni tíndum með Önnu og Andra um daginn við hratið frá mömmu.

Garnið sem ég ákvað að nota er garn sem ég fékk eftir að fallega Amma Ína féll frá. Bleiki liturinn er ekki mikið notaður á þessu stráka heimili og svo átti ég auka tvær dokkur í hvítum lit svo ég ákvað að prufa þetta saman.

Þá var það bara að byrja. Ég skellti hratinu í pott, mamma var búin að frysta það svo að ég bætti smá vatni við hratið svo í byrjun.

Svo tók ég indverska töfrasprotann og tók nettan Dexter á þetta. Hakkaði berin sem við Högni tíndum alveg í spað.

Svo var byrjað að kreista safna úr hratinu og berjunum. Það tók enga stund svo sem, berin voru mjög safarík.
Ég ákvað að skella líter af vatni út í safan svo að ég fengi nóg saft til að vinna með. Á þessum tímapunkti var ég mikið að pæla að búa bara til berjasaft, það er svo gott að staupa sig á morgnana með einu staupi af krækiberjasafti. En nei ég ákvað að halda áfram. Skellti slurk af ediki og salti úti og þá var ekki aftur snúið.

Ég nennti ekki að vinda dokkurnar upp á nýtt heldur skellti þeim bara heilum ofan í, liturinn var svo sterkur og fallegur. Lét þetta malla við vægan hita í um klukkustund.
Þá var bara að skola og skola vel úr köldu vatni.


Afraksturinn fallega fjólublátt garn, sem ég held að gæti verið fallegt með skær grænu eða? Eru þið með hugmyndir? Það er smá lita munur á garninu ég held að þetta ljósara hafi verið bleikt og dekkra hafi verið hvíta garnið. Ég er mjög ánægð með útkomuna og hlakka mikið til að prjóna eitthvað fallegt á þá bræður :)

Apaskott úr sokkum

Ég elska að hekla bangsa og önnur mjúk dýr. Það er eitthvað við handunna bangsa/kanínur sem er svo sjarmernadi. Sá um daginn mynd af apa eða sock monkey og var ekkert að velta því meira fyrir mér.

En svo voru alltaf að sjá þá oftar og oftar og áttaði mig þá á því að þetta eru apar gerðir úr sokkum.
Sumir rosalega sætir
og röndóttir
Og svo virðist sem það se ekkert mál að gera þetta: sjá hér einfalt myndband

Saumað á sprettinum með saumsprettum

Eitt af mínum uppáhalds bloggum er bloggið hennar Dana, Dana Made It. Hún er ótrúlega frjó og mjög töff og ótrúlega iðin við saumavélina. Mig langar að gera margt af því sem hún gerir, sem er ekki algengt, oftast er það bara svona eitt og eitt sem ég mundi nenna að gera, en hún er ótrúlega flott. Á hverju ári heldur hún úti mánuði sem hún tileinkar strákum og vá, hvað ég kann vel að meta það. Urmull af sniðugum hugmyndum og bara fyrir stráka (auðvita er hægt að nýta margt fyrir stelpur, en strákarni ganga fyrir).

Ég hef verið hálf feimin við saumavélina mína. Ef ég ætti að lýsa sambandinu mínu við saumavélina þá væri það helst svona örlítið framhjáhald við prjónana. Ég tek svona "spretti" með vélinni (he he he þetta hljómar hræðilega). Ég hef alltaf saumað smá, en þau saumablöð sem ég þekki eins og Burda til dæmis eru ekki skemmtileg, oftast finnst mér þau alveg hræðilega hallærisleg. Þegar ég hef saumað hef ég notað föt sem ég á til viðmiðunar og alltaf fundist ég vera að svindla, en núna þegar ég les handvinnubloggin þá er eins og þetta sé bara viðurkend aðferð og guð hvað það er gaman og fljótlegt.

Ég fór um daginn í Handalínu og fann ótrúlega krúttaralegt efni. Ég notaðist svo við þessar leiðbeiningar og útkoman var þessi,


ég var bara nokkuð sátt. Og það skemmdi ekki fyrir að Högni var ótrúlega sáttur við útkomuna. "Mamma mín saumaði þetta fyrir mig!" sagði hann öllum sem heyra vildu. Hann fór voða montinn í henni í leikskólann ég var sátt við að hann væri sáttur.

...svo sótti hann. Hálf vandræðilega sagði leikskólakennarinn mér frá því að "peysuna sem ég hefði saumað" (hennar orð) væri öll að rakna upp. Hann var vel girtur og með "góðar" saumsprettur á sitt hvorri hliðinni.

Held að ég noti fötin sem sauma á hann fyrst hérna heima áður en ég sendi hann frá mér yfir heilan dag. Vil helst að fötin haldist saman svona yfir daginn.