Spiderman er málið þessa dagana

Það er óhætt að segja að ég hef ekki staðið við það að setja inn alla handavinnunna sem ég hef verið að gera, eins og ég ætlaði mér í upphafi árs

Og það er líka óhætt að segja að Spiderman er algjörlega málið þessa dagana. Prjónaði þessar peysur um daginn á tvo fallega bræður og þær slógu svona líka í gegn. Honum Heimi mínum fannst þær svo flottar að ég gat ekki annað en prjónað þriðju peysuna á hann og nú fæ ég hann varla til að klæðast öðru.

Skerjafjarðar krúttin

Spidermann af Melunum

Ekkert á prjónunum?

Gleðilegt ár kæru lesendur :) Takk fyrir samfylgnina á liðnu ári. 

Markmiðið mitt á nýju ári er að koma út einni handavinnubók með vorinu. Eins ætla ég að vera dugleg að prófa nýja hluti í handavinnunni. Halda áfram að ögra sjálfum mér. Og kannski að vera örlítið duglegri að blogga hér? Hvur veit?

Ég hef verið með heklunálina á lofti upp á síðkastið, enda mun væntanleg bók vera öll hekluð. Ég verð að viðurkenna að mér hefur fundist ég vera að svíkja svolítið prjónana með öllu þessu hekli og ákvað því að prjóna í matartímunum í vinnunni. Góð leið til að borða minna, koma einhverju í verk og svíkja ekki prjónanna. 

Fyrir valinu var ein barnapeysa úr Róaleppabókinni góðu. Heimir naut góðs af. Ótrúlega skemmtilegt verkefni, sem tók allt, allt of langan tíma. 

En loks er hún búinn og Heimir hefur nú þegar notað hana heilan helling.

Alpaka Drops, I just love it!

Drops design er frábær vefsíða fyrir prjónara (og heklara) þar er urmull af uppskriftum af fallegum verkefnum og kostar ekki neitt. Ekki skemmir fyrir að Drops garnið er æðislegt, svolítið dýrt en ég bara elska það!

Þegar Högni var lítið spons prjónaði ég á hann og Helgu Maríu frænku hans rosalega kjút peysu af síðunni. Þau voru algjört krútt í peysunum saman.


Svo þegar Helga var 4 ára nú í sumar þá fékk ég pöntun um nýja peysu. Og það var skverað í peysuna en ekki tekin mynd fyrr en núna í nóvember í skírninni hans Heimis.


spurning um að skella í nýja peysu handa Heimi? Eða peysur í stíl á þá bræður. Það er allavega kominn tími að dusta rykið af prjónunum.

Ungbarna peysa úr silki

Þegar Högni fæddist prjónaði ég nokkrar ungbarnapeysur. Ég hef nokkrum sinnum sagt frá því og engin þeirra var nógu góð. Það var ekki fyrr en ég var gengin framyfir að rétta peysan lét sjá sig. Hún var prjónuð úr fínugerðu silki og það var svo mikið á keflinu að ég prjónaði djöflahúfu, vettlinga trefil og átti afgang... ohh hvað ég var ánægð.

Svo þegar Lilli litli fæddist þá átti að endurtaka leikinn. Sama garn var keypt en auðvita varð peysan að vera önnur. En stefnt var á að endurtaka leikinn og hafa húfu, vettlinga og trefil í stíl. Uppskriftina fann ég í safni Saumklúbbsins en peysan heitir þar "Ofur lítil ungbarnapeysa".

Það var heldur meira garn sem fór í þessa peysu og því var ekkert eftir til að prjóna aukahlutina og þvílíkt svekkjelsi. Seinni peysan var líka ögn stærri en sú fyrr og getur Lilli litli því enn notað hana, þrátt fyrir að vera orðinn full sex vikna. Málið er bara ég er ekki eins hrifin af seinni peysunni og fylgihlutirnir voru prjónaðir (líka úr silki) en allt annar litur og þetta passar ekki jafn vel saman. Hálf svekkjandi allt saman.

En hér eru þeir bræður saman. Báðir á leið heim af spítalanum. Annar allur í stíl, enda fyrsta barn, hitt ekki alveg jafn mikið í stíl en alveg jafn sætur.

Fyrsta tilraun; Kaðlaprjón

Jæja mér tókst það loksins. Tókst að fá frumburðinn til að klæðast peysunni sem ég prjónaði á hann í haust og þar að auki að ná af honum mynd. Hann er að vísu í náttfötunum innan undir og þetta er tekið seint um kvöld. En mynd er mynd og ég má vera ánægð með að ná fleiri en einni mynd af honum í peysunni (þarf að ala betur upp í honum Zoolanderinn).
Peysan er úr Prjónablaði Tinnu. Hann fékk að velja peysuna sem ég prjónaði á hann, en á myndinni heldur krakkinn sem sýnir peysuna á priki. Högni vildi helst frá prikið líka (ef til vill hefði prikið dugað og ég getað sleppt peysunni) en peysuna fékk hann, en ekkert prik.
Þetta er fyrsta kaðlapeysan sem ég prjóna og hún tókst alveg ágætlega. Hún er heldur stór á hann eins og er, en það er bara betra, hann sprettur eins og arfi þessi krakki. Nú langar mig mikið til að prjóna á pabbann eins og líka á Lilla litla.Garnið sem ég notaði fékk ég í Rúmfatalagernum og heitir Sandnes Garn Alpakka og er svakalega mjúkt og flott (og er sko ekki ódýrt).

Það var ótrúlega auðvelt og skemmtilegt að prjóna kaðla hefði ekki trúað því. Nú verða sko prjónaðir kaðlar hér eftir :)

Húfutetur og sokkaleistar

Jæja þá er komið að því. Það er ekki eins og það séu ekki teknar myndir af litla manninum. Þær eru kannski ögn færri en af stóra bróður hans á sínum tíma, en það er alveg smellt af honum. Tíminn til að grúska í þeim er bara svo miklu minni.

Og handavinnutíminn er sama sem enginn. En þar sem hann lét bíða eftir sér í 15 daga þá hafði ég smá tíma til að fitja upp á hinu og þessu.

Þegar bróðir hans kom í heiminn. Þá prjónaði ég eitthvað um 5 heimferðadress á hann og ekkert var nógu gott, nema það allra síðasta. Það sama var upp á teningnum núna, en ég var samt aldrei 100% ánægð með neitt. Þetta þurfti að vera svo SVAKALEGA flott :)

En ég prjónaði fína djöfla húfu á snúðinn og sokka í stíl úr silki. Í dag sé ég eftir að hafa ekki prjónað peysu úr þessu sama garni, því liturinn er mjög fallegur og svo er þetta svo mjúkt.

Húfan er prjónuð í hring og því ekki klassíska garðaprjóns-djöflahúfan. Uppskriftina fékk ég einhvertíman í Nálinni þegar hún var á Laugarveginum. Uppskrift af sokkunum er að finna í bókinni Sokkaprjón sem ég skrifaði um hér.

Lítill prins

Í byrjun október setti ég nokkur blogg á "auto-pilot" svona til vonar og vara þar sem ég átti von á litla stráknum mínum þann 3. okt. Vildi samt ekki að allt dytti hérna niður rétt á meðan ég væri að horfa á hann fyrstu dagana. En svo leið og beið og dagarnir liðu einn af örðum. Þeir enduðu á því að vera 15 dagar sem liðu og pilturinn ákvað að koma ekki í heiminn fyrr en 2 tímum fyrir gangsetningu á Landspítalanum.

Hann er alveg guðdómlega fallegur og vel heppnaður. Eitt af því flottasta sem mér hefur tekist að búa til í þessu lífi. Hitt eintakið sem heppnaðist svona vel var bróðir hans. En þetta er auðvita samstarfs verkefni svo ég get ekki alveg eignað mér heiðurinn ein.

Hérna er hann 4 daga gamall í Cocoon sem ég prjónaði eitt kvöldið þegar ég var að bíða eftir honum. Það fóru tvær dokkur af Navia Passion og sennilega tveir tímar að prjóna þennan einfalda en sæta og hlýja "sokk". Uppskriftina fann ég frítt á Ravelry en þar heitir hún Button-Up Baby Wrap eftir Kimberly Wood.

Unnur og Bokki eru hjón, kyssast upp á títiprjón

sumarið er svo frábær tími! Ég bara nenni ekki að sitja inni og pikka á tölvuna, ekki einu sinni á kvöldin. En það er ekki þar með sagt að ég sé ekki með neitt á prjónunum... nei fýkillinn passar sig á því!

Um daginn prjónaði ég peysuna Unnur og bókinni Fleiri Prjónaperlur. Það er svolítið síðan ég kláraði hana en ég hafði bara aldrei fundið rétta tímann til að taka sætar myndir af prinsinum (sem að vísu tekur ekki í mál að vera kallaður prins, hann er bara kóngur!) í peysunni. Það er líka með þessa gaura sem eru tveggja og hálfs að þeir hafa skoðanir á því í hverju þeir eru svo að peysan fékk að bíða þar til rétt tækifæri gafst til að taka myndir.

Tækifærið gafst loks í vikunni þegar við skruppum vestur og sigldum inn í fallegu eyjuna Vigur. Eins og sönnum sjómönnum sæmir þá var lopapeysan tekin fram og fjörið hófst. Farþegarnir urðu þreyttir á leiðinni út í eyju bara á því að horfa á Högna hlaupa fram og aftur og syngja hástöfum "113 vælubíllinn, víú víú víú víú" bróðurpart ferðarinnar. Held að hann hafi samt ekki truflað ... mikið.

Ástæðan fyrir að þessi peysa varð fyrir valinu er sú að ég hafði áður prjónað Bokka upp úr bókinni Prjónaperlur sem ég var svo svakalega ánægð með og Unnur er svolítið stolin útgáfa af þeirri peysu. En ég held að ég verði að viðurkenna mér finnst Bokki fallegri. Það er eitthvað svo einfalt og sveitó við Bokka.

Bæði Bokki og Unnur eru prjónaðar úr einföldum plötulopa sem er alveg frábært efni til að vinna úr. Unnur er prjónuð fyrir 3-4 ára og mér finnst hún heldur of stór. Hefði viljað hafa hana ögn minni og passlegri.

Opin lopapeysa án þess að nota saumavél

...er það hægt?

já greinilega. Sá þetta fyrst fyrir þó nokkuð löngu á blogginu prjónastelpan, en þar sýnir prjónastelpan hversu auðvelt það er að hekla fyrst kanntinn eftir kúnstarinnar reglum og svo bara klippa, allt gert án þess að nota saumavél.
Síðan þá hef látið hina og þessa vita af þessu. Hef samt ekki sjálf prófað það, en mér skilst að þetta sé ekkert mál. Aftur á móti held ég að þetta sé ekki jafn auðvelt með annað garn en Lopann. Lopinn er svo magnaður.

Víkingahúfa

Við fórum á víkingahátíð í Hafnafirði um daginn. Högni var yfir sig hrifinn af víkingunum og kallaði hátt og snjallt "Óðinn, Óðinn!" og "Víkingarnir slást!"


Hann var svolítið hræddur við þá, en samt voru víkingarnir meira spennandi. Svo ótinn var láttinn víkja. Enda fékk hann að halda á hníf! hversu töff er það?

Á einu trítli um miðbæinn þar sem ekki er þverfótað fyrir túristaverslunum sáum við plast sverð og hjálm og mamman bara varð. Enda varð drengurinn himinlifandi glaður. Þetta dót hefur fylgt honum hvert skref, jafnvel í bólið. Hann kallar hátt og snjalt "Óðinn" og svo á hann það til að detta í gólfið (mamman vill meina að hann detti, hann sjálfur segist deyja, sem mér finnst ekki alveg nógu gott).
Afi Þór fór svo með honum í stuttan göngutúr um Garðabæ þegar það var miðsumarhátíð og Högni sló að sjálfsögðu í gegn. Enda kann hann víkinga taktana.

Svo mátti ég til með að prjóna víkingahúfu á karlinn. Hérna er uppskriftin Víkingahúfa, ég veit ekki hvort hún sé 100% þar sem enginn hefur lesið hana yfir en hún er einföld. Allar ábendingar eru vel þegnar á marinthors@gmail.com og ekki er verra að fá sendar myndir ef þið ákveðið að skella í eina húfu fyrir lítinn víking.

Sokkaprjón

Sumarið er farið að segja til sín og í nógu að snúast. Í gær átti ég yndislega stund með vinum mínum á Haðarstígnum. Grill, róló, súkkulaðikökur og börn, fullt af börnum, en Högni var samt ekki. Hann var í góðu yfirlæti hjá Ömmu Steinu. "Amma Steina, best í heimi" eins og hann segir sjálfur.

Á fimmtudaginn bauð mamma mér í partý. Ekki beint villtasta partý sem ég hef farið í en þetta var útgáfupartý á bókinni Sokkaprjón eftir Guðrún Magnúsdóttur. En mamma og hún Guðrún eru gamlar vinkonur. Guðrún er rosaleg handvinnu-kerling og á hverju ári bíðum við spennt eftir að skoða jólakortið frá henni og tvíburasystur hennar því það er alltaf eitthvað ofsalega fallegt handverk á ferð.

Í bókinni Sokkaprjón, eru 52 sokka uppskriftir fyrir alla, konur, karla, krakka og kakkalakka... (samt ekki kakkalakka fannst bara vanta eitt k orð til viðbótar). Og ófáir sem ég þarf að prófa. Mæli með að kíkja á þessa bók, hún er fallega uppsett og full af fallegum uppskriftum.

Svo um helgina ætla ég að setja inn uppskrift af víkingahúfinni minni, fyrir 2-3 ára víkinga. Kann bara ekki að tengja pdf skjla við síðuna, en geng í það mál ASAP.

Svo munið að það er hægt að læka við Z-una á Facebook og svo auðvita elska ég comment :)

...sú færeyska aftur

Við vinkonurnar gefum hvor annari alltaf litlar jólagjafir. Ég er alltaf mjög spennt að opna gjafirnar sem ég fæ frá þeim, verð alveg eins og lítil stelpa.

En af hverju í ósköpunum er ég að tala um það núna í júní? Jú vegna þess að um jólin þegar ég prjónaði peysurnar gat ég ekki sett myndir af þeim hingað inn og svo gleymdi ég að taka myndir af þeim og að lokum hef ég aldrei náð okkur þremur saman til að taka myndir af peysunum þremur.

Ég hef sagt frá þessari peysu áður, svolítið stolið frá Guðrúnu og Guðrúnu.... en mér finnst hún bara svo falleg (og of dýr að kaupa). Peysurnar voru allar prjónaðar í sitt hvorum litnum. Ein svargrá, ein brún og sú þriðja ljósbrúngrá. Það sem hefur bæst í sarpinn er að nú get ég prjónað hana í stærri stærðum. Algjör óþarfi að svelta sig eins og Bíafra barn.

Það var svo í dag að ég náði mynd af fallegu Önnu í peysunni. Eins og svo áður á 17. júní var karnival stemning á Haðarstígnum og ég mátti til með að smella mynd af peysunni. Einhverntímann næ ég svo mynd af okkur öllum þremur í peysunum.

---
My friends and I give each other small gifts for Christmas. I´m always so excited to open them, just like a litle girl.

But way on earth am I talking about it now, in June? Well, because at Christmas time when I was knitting them I could not put pictures of them in here and I also forgot to take pictures of them a the time. And finally I have never had all three of us together to take pictures so... that is why.

I've talked about this sweater before, a bit stolen from Gudrun and Gudrun design ...but I think it is just so beautiful (and too expensive). The Christmas sweaters were all knitted in different color. On black/gray one dark brown and the third light/brown/gray-ish. I have also found out how to make it a bit bigger, so now it is no need to starve like a Biafra child.

Today, I finaly got a photo of Anna my beautiful friend. Like before the 17th of June was celebrated on Haðarstíg with a Carnival atmosphere. I had to take a picture of the sweater and the festival feeling. Some day I will get a pic of us all three wearing the sweaters.

sokkar og vetttlingar

Hvenær á maður nóg af sokkum og vettlingum? Sennilega aldrei og sérstaklega ekki þegar maður er að nálgast þriggja ára aldurinn.

Ég er enn í átakinu að prjóna úr því sem ég á og um daginn urðu þessi pör til. Garnið, norsk barna ull, fékk ég frá fallegu Ömmu minni þegar hún féll frá, en hún var ótrúleg handavinnukona og prjónaði ófá barnateppin. Uppskriftirnar eru að finna í bókinni Fleiri prjónaperlur og ég mæli auðvita með að allir prjónarar eignist eitt eintak af þeirri góðu bók.

Næsta par sem ég prjóna verður fyrir fyrir Högna, jafnvel þó að ég þurfi að kaupa garn í það fyrir hann.

Stelpu húfa

Þessa húfu er ég búin að geyma lengi. Er alltaf á leiðinni að setja hana hingað inn en aldrei verður neitt af því.

Svo að ég vitni í sætan strák...
Þá er það vegna þess að "í fyrsta lagi A" hef ég ekki fengið nægilega gott módel til að sitja fyrir með húfuna og eins á þetta að vera gjöf. Það eru ófáir pakkarnir sem þessi húfa hefur átt að fara í en einhverra hlutavegna er hún enn hérna heima í "gott að grípa í gjafir-kassanum" og ég hef ekki viljað setja hana hingað inn fyrr en hún hefur farið að heiman, ef svo má segja.

En nú í kvöld gafst ég upp. Fékk ábendingu um að ég væri allt of löt við að uppfæra síðuna svo að ég lét slag standa. Húfan er prjónuð úr fallegu gráu Navia garni og blómið er úr endur unnum silkiþráðum það garn keypti ég dýrum dómi í Hveragerði fyrir ekki svo löngu. Uppskriftina fann ég hér en þegar prjónað er úr Navia Passion varð húfan passleg á ca einsárs.

17. júní peysan sem breytist í 31. janúar peysan

já þessa peysu ætlaði ég að nota 17. júní síðastliðinn. Var alveg ákveðin í því að hún væri kjörin sem svona sumar-hlý-peysa. Ekta til að vera í á köldum sumarkvöldum.

En svo liðu dagarnir, vikurnar og mánuðirnir og peysan var óhreyfð. Það var ekki fyrr en ég kíkti á bloggið hennar Arndísar að ég lét mig hafa það. Hún var að segja frá hóp á Ravelry sem væri með það verkefni að ljúka einhverju verkefni í lok febrúar svo að ég sló til og ... whalla! Peysan er tilbúin og enn er janúar!

Þú kannski spyr þig af hverju tók þetta svona langan tíma. Peysan er í raun þannig séð ekkert flókin, bara garðaprjónn. En ef maður hefur 8 hnykla í einu á meðan maður prjónar þá er maður endalaust í því að leysa svona...

og svona...
og svo allir endarnir og, og, og...
ertu ekki alveg að "feel my pain"?

En ég er allavega mjög ánægð með að vera loks búin með hana. Nú þarf ég bara að nota hana. Það sorglega er að líkurnar á að ég noti hana eru skelfilega litlar, hef sjaldnast notað þær peysur sem ég prjóna á sjálfan mig. En við látum allavega reyn á það.

Vetlingar í leikskólan og

Um daginn þegar ég sótti stubbinn á leikskólann hóaði ein (mig langar mjög mikið að skrifa fóstran) leikskólakennarinn í mig og spurði hvort að hann ætti ekki betri vettlinga, sonur minn. Ég sem hélt að, uppháir pollavettlinga, uppháir vindvelttingar, þunnir bómullarvettlingar og flísvettlignar væru nóg spurði hissa, "jaaa neee, hvernig vettlinga áttu við?" og fékk svarið "bara þessa klassísku úr lopa". Mér fannst hún (ekki skrifa fóstra) leikskólakennarinn alveg eins getað sagt að ég væri glötuð mamma, ég sem þykist vera einhver prjónari og barnið bara með einhverja lummu búðarkeypta vettlinga (að vísu í mjög fjölbreyttu úrvali).

Þannig að ég rauk heim. Fann afganga og byrjaði að prjóna og hér er afraksturinn. Uppskriftin að vettlingunum hans Högna fann ég í bókinni Fleirri Prjónaperlur. Þeir eru það fyrsta og eina sem ég hef prjónað upp úr þeirri ágætu bók.

Þetta með fóstrur, í alvöru! Af hverju er alltaf sett ofan í mig þegar ég kalla konur sem vinna á leikskóla, fóstur? Fóstra svo fallegt orð, mun fallegra en leikskólakennari. Orðið er gamalt og lýsandi yfir það starf sem fer fram í leikskólum landsins. Einnig er karkyns útgáfan mjög falleg fóstri. Fóstra og fóstri!

Ef ég ynni á leikskóla þá mundi ég vilja að ég væri kölluð fóstra, mun fallegra, hlýrra og lýsandi. Og ég mun eflaust halda áfram að kalla leikskólakennara fóstrur, ekki til þess að pirra einn eða neinn, sennilega bara af því að ég hef vanið mig á það frá því að ég sjálf vara í leikskóla, en svo er það bara svo mikið fallegra.

Bekie Chernoff

Það er svo margt fallegt til. Til dæmis þessi skál, sem ætti að vera til á heimili hverrar prjónakonu (allavega væri ég til í eina). Gaman að segja frá því að listakonan, Becki Chernoff kynntist ég í Bandaríkjunum þegar ég var skiptinemi þar 1994-1995. Ekkert smá hæfileikarík og töff týpa. Mæli með að skoða síðuna hennar www.beckichernoff.com

There are so many beautiful things out their. For example this bowl! Every knitter should have one (at least I would love to have one). It is fun to say, I know the artist, Bekie Chernoff, we met in USA when I was an exchanges student in 1994-1995. So talented and hip person. I highly recommend a visit to her website www.beckichernoff.com

Góðverk fyrir jólin

Það er hópur á Facebook að prjóna ungbarnahúfur fyrir Vökudeild. Ég var svo heppin þegar ég átti Högna að sleppa því að fara þar inn. Högni lét mig aftur á móti bera sig í rétt tæpar tvær viku framyfir settan dag, en það er allt önnur saga.

Ég stóðst ekki mátið og prónaði nokkrar húfur. Þær vildu hafa það bómull, en ég prjónaði þær úr noskri ull, finnst það fallegra. Svo gáfu þær upp uppskrift hér og hér þannig að verkið var ekki flókið, bara að gefa sér nokkrar stundir og fyrr en varir var ég komin með 7 húfur. Ein húfa fyrir hvert frændsyskini hans Högna sem hefur ekki þurft að fara á Vöku, Arna, Þór, Helga María, Högni, Kristófer og Eyrún og svo er sjöunda barnið á leiðinni.

Þverslaufa fyrir sæta stráka - bow tie for cute boys

Ég hef komið sjálfri mér stundum á óvart þegar kemur að handavinnu, það er ótrúlegt hvað hægt er að gera þegar maður rýnir í flókin munstur nýjar uppskriftir eða prófar eitthvað sem maður telur að maður geti als ekki gert. Og viti menn, maður kemur sjálfum sér á óvart með því að geta það!

Að taka þátt í prjónabók var eitthvað sem ég hélt að ég gæti aldrei gert og mundi aldrei gera, en viti menn. Eftir að ég sest niður og reynt, varð til þess að ég hef tekið þátt ótrúlega skemmtilegu prjónaævintýri með Prjónaperlum.


Eitt af því sem mér finnst sárlega vantar eru sætir litlir hlutir fyrir stráka til lífga upp á daginn. Og hvað er herralegra en þverslaufa? Þetta er lítið og skemmtilegt prjónaföndur sem ekkert mál er að klára á einu kvöldi og það sem betra er að það er auðveldlega hægt að nota afganga í.
Uppskriftin er einföld, hægt er að nota hvaða garn sem er og í raun hvaða prjóna sem er. Ég nota Kambgarn en hægt er að nota hvaðgarn sem er sem hentar prjónum no. 2,5

Fitjið upp 30 lykkjur og skiptið þeim jafnt niður á 3 prjóna og tengið í hring.
Næstu 2 umferðir eru prjónaðar slétt.
3 umferð er prjónuð brugðin.
Næst er prjónað slétt þar til stykkið mælist 8 cm.
Þá er prjónuð ein umferð brugðin og
næstu tvær umferðir eru prjónaðar slétt.
Fellið af.

Brjótið upp á opnu endana við brugðnu umferðina. Saumið slaufuna saman.

Miðstykkið er prjónað svona:
Fitjið upp 5 lykkjur þessar lykkjur eru prjónaðar fram og til baka. Slétt á réttunni og brugðið á röngunni þar til það er nægilega langt til að passa utan um slaufuna sjálfa. Fellið af og saumið bútinn saman utan um slaufuna. Festið nælu aftan við og nælið í fyrsta herramanninn sem þið sjáið.

-----
I do sometimes surprise myself. I do things that I never think I will, or can, do. It's amazing what you can do when you follow a complex or new pattern or tray something that you think you would never believe you could do. And you really can do it!

Participating in the making of a knitting book was something I thought I could never, and would, never do. But just after having tried it, became my amazing knitting adventures with Prjónaperlur.

One of the things I feel desperately needed in the craft-world are cute little things for boys, it just will bring more fun to the day! And really what is cuter then a bow tie? This is a small and fun knit project that will be easy to finish in one night and what is better, it is perfect for leftovers yarn!

The pattern is simple, you can use any yarn that fits needles no. 2,5 (2,5 for Europe is 1 or 2 for USA and 12 or 13 for UK)

Cast on 30 loops and divide them evenly on 3 needles and connect them into a ring.
Round 1-2: knit
Round 3 purl
Next, knit until piece measures 8 cm.
Then purl one round
the last two rounds are knitted.
Cast off

Fold the open ends and saw them together.

The little thing in the middle is knitted like this:
Cast on 5 loops, these loops are knitted back and forth. Knit one side and purl on the other until it is sufficiently long to fit around the bow tie. Cast of.
Saw it together in please it in the middle of the bow tie.
Attach a pin in the back and give it to the cutest boy you see.

Jólasveinahúfa

Í fyrra var Stubburinn minn ekki alveg jafn þrjóskur og hann er í ár. Þá var hægt að "plata" til að vera með alskonar sætar húfur og í krúttaralegum fötum. Núna vill hann bara vera í því sem hann hefur áður verið í, ekki verra ef það er mynd af kónguló á fötunum.

Í fyrra prjónaði ég þessa húfu (hentar vel fyrir 1-2 ára) læt uppskriftina fylgja með.
Ég segi þetta mína uppskrift en auðvita er hægt að notast við hvaða skotthúfu uppskrift sem er:

Ég notaðist við afganga sem ég átti en ég mæli með að nota mjúkt garn sem passar vel fyrir prjóna no. 2,5

Fitijið upp 120 lykkjur og prjónið 5 cm stroff, 2 sléttar 2 brugnar með hvítu
Skiptið yfir í rautt garn. Fyrsta umferðin er prjónuð rauð, aukið um eina lykkjur við 24 hverrja lykkju = als 125 lykkjur. Prjónið áfram þar til húfan mælist 11 cm.

Þá hefst úrtakan: Merkið á fimm stöðum með jöfnu milli bili (25 lykkju fresti). Takið út á fimm stöðum í þriðju hverri umferð þar til 5 lykkjur eru eftir. Fellið af og bætið dúsk við.
Gangið frá öllum endum og gefið einhverjum Stúf húfuina.