Nýtt blogg til að fylgjast með

Ohh svo gaman að rekast á nýtt og skemmtilegt handavinnublogg.
Hérna er eitt Delia creates og hún er með þema núna "Nesting" ekki verra þegar maður er með lítinn nýfæddan hérna hjá sér.



Nú þarf ég bara að koma þeim eldri til heilsu svo að ég hafi einhvern tíma í svona dútl!

Opin lopapeysa án þess að nota saumavél

...er það hægt?

já greinilega. Sá þetta fyrst fyrir þó nokkuð löngu á blogginu prjónastelpan, en þar sýnir prjónastelpan hversu auðvelt það er að hekla fyrst kanntinn eftir kúnstarinnar reglum og svo bara klippa, allt gert án þess að nota saumavél.
Síðan þá hef látið hina og þessa vita af þessu. Hef samt ekki sjálf prófað það, en mér skilst að þetta sé ekkert mál. Aftur á móti held ég að þetta sé ekki jafn auðvelt með annað garn en Lopann. Lopinn er svo magnaður.

Sokkaprjón

Sumarið er farið að segja til sín og í nógu að snúast. Í gær átti ég yndislega stund með vinum mínum á Haðarstígnum. Grill, róló, súkkulaðikökur og börn, fullt af börnum, en Högni var samt ekki. Hann var í góðu yfirlæti hjá Ömmu Steinu. "Amma Steina, best í heimi" eins og hann segir sjálfur.

Á fimmtudaginn bauð mamma mér í partý. Ekki beint villtasta partý sem ég hef farið í en þetta var útgáfupartý á bókinni Sokkaprjón eftir Guðrún Magnúsdóttur. En mamma og hún Guðrún eru gamlar vinkonur. Guðrún er rosaleg handvinnu-kerling og á hverju ári bíðum við spennt eftir að skoða jólakortið frá henni og tvíburasystur hennar því það er alltaf eitthvað ofsalega fallegt handverk á ferð.

Í bókinni Sokkaprjón, eru 52 sokka uppskriftir fyrir alla, konur, karla, krakka og kakkalakka... (samt ekki kakkalakka fannst bara vanta eitt k orð til viðbótar). Og ófáir sem ég þarf að prófa. Mæli með að kíkja á þessa bók, hún er fallega uppsett og full af fallegum uppskriftum.

Svo um helgina ætla ég að setja inn uppskrift af víkingahúfinni minni, fyrir 2-3 ára víkinga. Kann bara ekki að tengja pdf skjla við síðuna, en geng í það mál ASAP.

Svo munið að það er hægt að læka við Z-una á Facebook og svo auðvita elska ég comment :)

...næsta mál á dagskrá

Það var prjónakvöld hjá mér á þriðjudaginn og í tilefni af Jónsmessunni sat ein prjónaskvísan hjá mér þar til klukkan var farin að ganga í tvö. Mjög töff fannst mér!

Prjóna hópurinn sem hittist er mjög skemmtilegur, afar fjölbreyttur og eiginlega aldrei eins. Þetta eru flest allt konur sem búa hér á Íslandi, sumar í stuttan tíma, aðrar lengur og svo slæðist einn og einn Íslendingur með. Sumar eru prjónafíklar (nefni engin nöfn), aðrar kunna lítið sem ekkert, en prjónagleðin í hópnum er gífurleg. Hópurinn kallar sig Knit Wits Iceland og ég fíla'ann!


Í gær mættu 8 kvinnur, mikið skrafað, en meira prjónað. Þetta er svona alvöru saumaklúbbur, nema við vorum ekki saman í skóla og oft er einhver í hópnum sem þekkir ekki næstum allar, stundum næstum enga.


Í gær náði ég að klára eina peysu, lykkja aðra saman undir höndunum og svo áttaði ég mig á því að ég er næstum búin með þá þriðju. Einnig er ég búin að ljúka einni ungbarnapeysu og tveim húfum (með uppskrift sem ég er búin að skrifa niður) sem ég á eftir að pósta hér. En af hverju er þetta ekki komið inn? Tja svarið er einfalt. Það er bara hrein og tær leti! *Geisp*

En nú er komið að þeim tímapunkti sem mér leiðist, hvaða verkefni á ég að taka að mér næst? Ætli næstu dagar fara ekki í það að browsa Ravelry? Það er síða sem ég mæli með að allt áhugafólk um prjón og hekl skrái sig inn. Þarna er urmull af uppskriftum, myndum, hugmyndum og svo líka verkefnum sem vert er að forðast (þú veist þessi verkefni sem virðast vera góð hugmynd en er svo síðan skelfileg þegar á reynir). Eitt af því sem ég kann best að meta er að þarna er hægt að sjá myndir af sömu uppskriftinni í mörgum litum og mörgum útfærslum. Getur komið í veg fyrir að maður reki upp.

Ljósmyndir og hugmyndir

Ég er voðalega ánægð með mig þessa dagana, þar sem ég hendi inn færslu eftir færslu. Fyrst ætlaði ég mér að hafa allar færslurnar "mínar" en ég held að það séu óraunhæfar væntingar. Á meðan er hægt að ylja sér við það sem aðrir gera. Og af netinu er nóg að taka. Einn virkasti bloggari sem ég veit um er Grosgrain. Hún bloggar nokkrum sinnum á dag og hún segir að best sé að vera áskrifandi af blogginu hennar því að margir póstarnir hennar fara ekki á forsíðuna (mjög tæknileg sem sagt). Hér er hún með flokk sem er tileinkaður ljósmyndun og vá hugmyndirnar eru æði!

Þessi mynd hér er ótrúlega krúttaraleg. Ég var eitthvað að reyna þessa hugmynd hérna en hugmyndin er stolin af sætu síðunni Color Me Kate.

Ótrúlega einföld hugmynd en samt svo Mary Poppins-leg og öðruvísi.

ahhhh.... væmið og sætt!

Á Facebook hef ég séð ótal myndir af árshátíðum og brúðkaupum þar sem vinahópurinn heldur á ramma saman. Þessi útfærsla er miklu sætari finnst mér, fólk í ramma að gera það sem því dettur í hug, jafnvel kyssast :) got to love it!

strákar og meiri strákar

Við strákamömmur eigum það til að kvarta smá yfir því hvað það er miklu meira fallegt til fyrir stelpur en stráka. Við förum í barnafataverlsun og þar er búðin troðfull af bleiku, blúndum, tjulli og öðru krúsidúllu-dóti, innst í einu horninu er svo "stráka úrvalið", svart, ljótu karla, bíla og íþróttaföt. En það er ekki alveg rétt, jú auðvita er miklu, miklu, miklu, meira dúllerí til fyrir stelpur en það er ótrúlega mikið til líka fyrir stráka.

Á I'm Am Momma Hear Me Roar eru oft frábærar hugmyndir fyrir stráka mömmur. Þá er bara málið að taka upp box-hanskana og fá þá til að nota allt þetta fallega sem hægt er að gera. Alveg skelfilegt þegar krakkar hafa sjálfstæðar hugmyndir um hvað þau vilja vera í... hvað er það?

Þetta er auðvita alveg skvalega nördalegt og sætt. Ég hlakka ekkert smá til að gera þetta handa Högna

Svo eru það strákar með slaufur og bindi og köku yfirvaraskegg. Hvað er sætara?
Ekki skemma glösin þeirra fyrir. Talandi um krúttsprengju!

Kallalegir strákar eru svo miklu flottari en kellingalegar stelpur.

Hver vill ekki svona samloku?

OMG ...Geðveikir skór!

Ég verð að viðurkenna það, sumir eru bara klárari en aðrir. Þessa skó má finna á Etzy síðunni. Alveg ótrúlega töff skór! Mikið langar mig í svona sóla, er alveg viss um að ég tæki mig vel út í vinnunni á þessum. Nú þarf ég bara að finna mér réttu skóna, réttu fjaðrirnar, hita límbyssuna og ... hér kem ég!


á Etzy

Nýjárs gleðin að taka öll völd

Það er svo margt fallegt til á netinu, en ég er svo mikill sauður, man ekkert hvar ég fékk þessar myndir. Njótið bara :)

slétt, krullað, sítt, stutt, ljóst eða dökt?

Það er ekki hægt að segja að ég hafi verið dugleg upp á síðkastið, en... ég er að vinna í því!


...og svo þó að ég sé ekki að pósta hérna inn þá er ekki þar með sagt að ég sé ekki að hanga á netinu og skoða allt það fallega sem verið er að gera þarna úti í cyber-space.


Ég er líka að fara í gegnum tímabil þar sem hárið á mér er afskalega ljótt, það er svona ekkert! Hlakka ekkert smá til að fara til hans Oddvars í næstu viku og láta hann gera mig gordius!

Svo stundum þegar maður að hanga á netinu þá dettur maður niður á eitthvað svona fallegt. Á síðunni A Beautiful mess má finna svo margt fallegt augnakonfekt.



og það sem meira er, að hún er búin að pósta hvernig maður ber sig að... kannski verð ég bara fín um hárið um helgina?

Húsfreyjan

Ég hef ekki verið í miklu blogg stuði undarfarið. Hef dútlað í hinu og þessu en ekki klárað mikið. Það sem ég hef klárað hef ég ekki tekið myndir af, svo það er lítið til að sýna.

Fallega amma mín, var mikil handavinnu kona og ófá listaverkin sem hún skildi eftir sig, hekluð teppi og bútasaumur svo eitthvað sé nefnt. Hún var lengi vel áskrifandi af Húsfreyjunni og þegar það var verið að taka til hjá henni var stafli af gömlum Húsfreyju blöðum sem jafnvel átti að henda. Í fyrstu var ég ekki viss hvort það væri nokkuð vit í að hirða þau. Gömul blöð með mis áhugaverðum greinum um hollustu og betri lífstíl fyrir konur. Elstu blöðin frá 1980. En þegar betur er að gáð eru margir gimsteinarnir í þessum blöðum og það tekur meira en eina kvöldstund að fara í gegnum þetta.

Í blöðunum má finna hvernig hekla skal milliverk fyrir sængurföt. Prjóna uppskriftir, páska og jólaföndur, svo eitthvað sé nefnt.

Einnig er fjöldinn allur af mis girnilegum uppskriftum.

Stundum óska ég þess að ég væri húsfreyja fyrri tíma. Með uppsett hár, svuntu og í hælaskóm. Einhvernvegin er ég alveg viss um að það var meira vit í slúðrinu, sósan betri og börnin þægari... eða einhvernvegin þannig...

----

I have not been in much mood latley to blog. I have not worked seriously on anything lately and not finished much. The things I've completed I didn't take pictures of it, so I have little to show.

My beautiful grandmother, was a very crafty woman and she left so many fine handmade things behind, crochet blankets and quilts to name a few. She was a long time subscriber of Húsfreyjan (e. Housewife) and when it was time to clean out her house their was a pile of old Húsfreyjan that was to be throw away.

At first I was not sure whether it was any sense to on to them. Old issues with articles about health and better lifestyle tips for women. The oldest one since 1980. But after browsing through them I found some gemstones. It turned out, it will take more than one evening to go through them all.

You can find crochet and knitting recipes, Easter and Christmas crafts...

Also there are many delicious (and not so delicious) recipes.

Sometimes I wish that I were a housewife in the old days. With big hair, high heels and an apron. I am quite sure there was more sense in the hear says, the foot was better and the kids cleaner ... or something like that...

Skortur á hugmyndum?

Það er ótrúlegt hvað netið getur verið frábært þegar maður þarf að fá góða hugmynd að föndri. Jú það er svo sem líka ágæt þó að maður þurfi ekki að fá hugmyndir.

Það er svo margt sem hægt er að gera! Threadbanger er síða sem nokkrar skvísur í vinnunni sýndu mér í vetur og ég hef algjörlega verið húkkt á síðan.















Þarna má finna kennslumyndbönd um hvernig auðvelt er að breyta ljótum boli í sæt pils. Hvernig hægt er að gera stuttermaboli að kjólum (að vísu svolítið amerískt en samt sniðugt).

Það er nefninlega auðveldlega hægt að breyta einföldum bol í sætan bol með nokkrum blómum.

Hérna er til dæmis myndband hvernig hægt er að gera yo yo blóm sem eru svo sæt, Eyrún hefur til dæmis notað það blóm töluvert í sínu föndri.

Nema hvað, það tekur smá tíma að þræða í gegnum Threadbanger, en þeim tíma er vel varið því hugmyndirnar eftir slíkt sörf eru óendanlegar.

njótið!

Fyrir stráka mömmur

Ég held að ég geti fullyrt að við "stelpu-stelpurnar" sem eigum stráka, eigum það til að öfundast örlítið stundum út í "stelpu-mömmurnar" þó ekki fyrir þær sakir að eiga stelpur en við hinar stráka, heldur vegna þess að það er hægt að dúllast svo miklu miklu meira með stelpur en stráka.

Það er endalaust hægt að bæta spennu hér, heklaðir dúllu þar, setja glimmer fiðrildi í buxnaskálmina, sætt hárband í hárið og ... möguleikarnir eru endalausir. Við stráka-mömmurnar aftur á móti höfum ekki úr miklu að moða. Ég prjónaði samt svona þverslauf á Högna um daginn og er nokkuð sátt með hana, enda fátt herralegra en þverslaufa.



















En svo verður maður hugmyndalaus og þá verður maður svo þakklátur síðum eins og þessari þar sem föndur er sérstaklega tileinkað strákum. Dana er frábær föndurlús sem saumar á krakkana sína og sjálfan sig og kennir öðrum í leiðinni. Algjör snild fyrir aðrar föndurlýs.


Hérna eru strákalegir bolir sem hún saumar upp úr fullorðinsbolum.



Þau sem þekkja mig vita hvað mér finnst svona húfur strákalegar og sætar. Högni er ósjaldan með sýna.


...og hvernig hægt er að gera gauralegt vesti úr (ljótri)peysu.


og svo slaufurnar... ohhh elska þær hreint alveg!!!

Orange Crush:

Casual Hounds:

Plaid Wedding: