Gleðilega páska

Málsháttur

Páskasæla

Páskaskraut

Páskaungar

Páskagott

Páskanautn

   

Páskagrín

Lífið er ljúft. Páskafríið er búið að vera ein sæla. Matar sæla. Góður matur alla daga og í félagskaps góðs fólks. Páskadagur var sérlega ljúfur en þó sérstakur. Sá elsti svaf heima hjá ömmu og var mjög sáttur að vera þar án litla bróðurs. Svo fór hann í sveita ferð með afa og kom ekki heim fyrr en um kvöldið. Sá yngri svaf út og tók svo langan lúr svo við foreldrarnir heyrðum allt í einu í okkur og ég meira að segja opnaði bók!

Þá var líka tilefni að dusta aðeins rykið af myndavélinni og hlaða inn myndum frá því í desember. Hef verið mjög léleg við að setja inn, senda og taka myndir. En núna var tilefni. Ætla að standa mig betur í að taka myndir á stóru vélina í stað þess að nota símann. Og líka vera duglegri að vinna með þær.

Skrýtnir tímar

það eru skrýtnir tímar núna. Bókin mín fína er komin í umbrot og það eina sem ég geri er að bíða... þarf ekki að gera neitt. Þetta var smá rúsíbani þarna á lokasprettinum þar sem ljósmyndarinn sem ég var byrjuð að vinna með hún Björt gat ekki klárað verkið og því varð ég að finna nýjan ljósmyndara.

Það verða því ekki nokkrar uppáhaldsmyndir sem Björt tók í bókinni.

 Frk. Vélmenni

 Hrafn

 Apahringlan hangandi

 Teppið

 Hanna kolkrabbi

 Eineygða skrímslið og XOV

 Oddvar feimni sem felur sig bak við fallegu eyrun sín

 Nærsýna kisan

og hópmyndin flotta 

En á móti kemur að hann Oddvar frábæri ljósmyndari og listamaður með meiru tók fyrir mig myndirnar og þær eru æði! Eins og hann.

allt í öllu

Þessa dagana er ég svolítið allt í öllu og fæ þá eins og svo margir hið marg þekkta samviskubit. Sem er alveg óþolandi. Þegar ég hef nóg að gera þá finnst mér ég ekki gera allt nógu vel, eða eins vel og mig langar til að gera. Vinnan mín getur verið svolítið óútreiknanleg og þessa dagana er hún á fullu í því að koma mér á óvart. Kannski ætti ég bara að njóta þess á meðan það varir, en það getur verið svolítið pirrandi svona þegar maður er að skipuleggja annað.

Svo er það bókin mín, þar eru næg verkefni en mig langar bara að byrja á nýjum verkefnum ekki grúska svona mikið í gömlum (ekki beint sniðugt). En það styttist sennilega í að þetta klárist svo ég ætti ekki að örvænta. Ég er með kvíðahnút og tilhlökkunar hnút yfir henni. Jii þetta er svo spennandi og líka "scary". Hvað ef  það er villa í annarri hverri uppskrift. Eða verra í hverri!!! úffff ekki hugsa svona stelpa.

Þá er það heimilið... ohhh hvað ég vildi að ég ætti sjálf skúrandi gólf, snyrtileg börn og afþurkunarklút sem ynni sjálfstætt... ohhh já!  ...vaknaður kerling!!!

Já en þá er komið að því, ég er ekki nægilega dugleg að setja eitt og annað hingað inn. Ég er sem betur fer ekki með samviskubit yfir því en samt, vildi óska að ég gæti verið öflugari.

... en hér er uglan. Það hefur ekki farið fram hjá neinum föndrara, heklara eða prjónara að uglur eru það heitasta í bransanum og það er útlit fyrir að hún sé ekkert að fara að detta úr tísku. Hérna er ein útgáfan mín. Hef nokkrar aðrar í huga en þær hafa ekki enn litið dagsins ljós. Vonandi eignast ugla litla frænku fljótlega!

Jörð kallar

Það er svo langt síðan að ég bloggaði síðast að blogger hefur breyst og það tók mig dágóðan tíma að finna út hvað ég ætti að gera...

Nema hvað. Ég er ekki hætt, langt því frá. Við erum bara loksins flutt, börnin stækka, tíminn minkar og brátt verð ég komin út á vinnumarkaðinn. Smá blendnar tilfinningar þar. Er ekki hægt að sækja um eilífðar fæðingarorlof einhverstaðar? Þá má vera innifalið eilífðar kornabörn, vil síður börn með skoðanir í hverju þau fara og hvernig hlutirnir eiga að vera. Við erum nefninlega svo sjaldan sammála :) Td Spiderman er ekki töff!

Við Heimir fórum um daginn í skoðun og mættum þessum sæta froski. Ég varð voða kát og stóðst ekki mátið og tók af honum mynd. Hver man ekki eftir Fúsa Froski í Prjónaperlum :)

og nú hefur hann eignast nýjan frænda :)

tvær vikur

Í dag eru tvær vikur frá því að Lilli litli kom í heiminn og ótrúlegt hvað tíminn flýgur. Á hverjum degi velti ég fyrir mér hvort hann sé orðinn of stór fyrir "ný fæddu" myndirnar sem ég á eftir að taka.

Eins þarf ég að vera dugleg að taka myndir af honum í hinu og þessum múnderingum sem ég prjónaði á hann áður enn hann fæddist. Ekki næstum eins gaman að taka myndir af flíkum sem enginn er í. Sammála?

En þangað til ég fer í dúkkuleik og klæði hann upp í hin og þessi dressin fá þessar tásur að prýða fyrsta póstinn.

Njótið, ég vissulega geri það!

Nýtt útlit

...samt ekki hjá Sjá einum!

Blogger bauð mér að skoða nýja útlið hjá sér sem og ég gerði. Ég dauð sé í raun eftir að hafa gert það, því að ég finn ekki gömlu borðana mína aftur.

Þarf að læra að hanna mitt eigið look. Kann einhver einfalda leið?

Prjónasamvera - Social knitting

- English below -

Það er alltaf gaman að prjóna með öðrum.

Fékk þennan póst í gær

Prjónadagur:

Laugardaginn 25. júní kl. 13—18 ætlar Ása Hildur að endurtaka leikinn frá fyrra og hafa prjónadag í Krika við Elliðavatn. Þá eru allir hvattir til að koma með prjóna eða annað handverk. Hægt verður að prjóna bæði úti á palli, úti í náttúrinni, við vatnið eða bara inni allt eftir veðri.

Ása Hildur ætlar að koma með garn og prjóna ef einhver vill kennslu eða hjálp við prjónaverkefni er það velkomið. Einnig kemur hún með eitthvað af prjónablöðum og bókum. Þá verður hún með prjónamerki til sölu. Við ætlum að hafa þetta allt mjög óformlegt og umfram allt skemmtilegt

Kriki er útivistarsvæði Sjálfsbjargar á höfuðborgarsvæðinu við Elliðavatn, þar er sumarhús og göngustígar niður að tveim bryggjum sem eru aðgengilegar fyrir hjólastóla. Nánar um Krika og leiðarlýsingu má finna á www.kriki.bloggar.is

Allir velkomnir og endilega takið með ykkur gesti. Hægt verður að kaupa drykki og íspinna á staðnum. Ath. tökum ekki kort.

-----

It is always fun to knitt with others.

I got this email yesterday!

Knitt day:

Saturday 25th of June at 13:00-18:00 Asa Hildur will be repeating the previous knitting day at Kriki, Elliðarvatn. Everybody is encouraged to bring knitting ot other craftts. You can knit both outside on a platofrm, in nature, at the lake or just inside depening on the weather.

Ása Hildur will bring yarn and knitting material if anyone wants to get some help with lerning or other knitting projects. Also Asa will bring some knitting magazines and books. She will also sell some knitt markers. It will be relaxed and fun.

Kriki is a outdoor arie owned by Sjálfsbjörg at Elliðavatn, there is a cottage and walking paths down to the two piers that are accessible for wheelchairs. More infromation (in icelandic) can be found at www.kriki.bloggar.is

All are welcome and please take with you guests. You can buy drinks and lollypopps there. Note we do not take credid cards.

...næsta mál á dagskrá

Það var prjónakvöld hjá mér á þriðjudaginn og í tilefni af Jónsmessunni sat ein prjónaskvísan hjá mér þar til klukkan var farin að ganga í tvö. Mjög töff fannst mér!

Prjóna hópurinn sem hittist er mjög skemmtilegur, afar fjölbreyttur og eiginlega aldrei eins. Þetta eru flest allt konur sem búa hér á Íslandi, sumar í stuttan tíma, aðrar lengur og svo slæðist einn og einn Íslendingur með. Sumar eru prjónafíklar (nefni engin nöfn), aðrar kunna lítið sem ekkert, en prjónagleðin í hópnum er gífurleg. Hópurinn kallar sig Knit Wits Iceland og ég fíla'ann!


Í gær mættu 8 kvinnur, mikið skrafað, en meira prjónað. Þetta er svona alvöru saumaklúbbur, nema við vorum ekki saman í skóla og oft er einhver í hópnum sem þekkir ekki næstum allar, stundum næstum enga.


Í gær náði ég að klára eina peysu, lykkja aðra saman undir höndunum og svo áttaði ég mig á því að ég er næstum búin með þá þriðju. Einnig er ég búin að ljúka einni ungbarnapeysu og tveim húfum (með uppskrift sem ég er búin að skrifa niður) sem ég á eftir að pósta hér. En af hverju er þetta ekki komið inn? Tja svarið er einfalt. Það er bara hrein og tær leti! *Geisp*

En nú er komið að þeim tímapunkti sem mér leiðist, hvaða verkefni á ég að taka að mér næst? Ætli næstu dagar fara ekki í það að browsa Ravelry? Það er síða sem ég mæli með að allt áhugafólk um prjón og hekl skrái sig inn. Þarna er urmull af uppskriftum, myndum, hugmyndum og svo líka verkefnum sem vert er að forðast (þú veist þessi verkefni sem virðast vera góð hugmynd en er svo síðan skelfileg þegar á reynir). Eitt af því sem ég kann best að meta er að þarna er hægt að sjá myndir af sömu uppskriftinni í mörgum litum og mörgum útfærslum. Getur komið í veg fyrir að maður reki upp.

Tölur

Það er ótrúlegt hvað tölur kosta mikið. Stundum finnst mér eins og ég sé að borga jafn mikið fyrir tölur og garnið í peysuna. Og svo eru þær ekki alltaf mjög fallegar.

Ég prjónaði eina ungabarnspeysu um Hvítasunnuna og það eru 8 tölur sem fara á hana en ég hef bara ekki fundið neitt nógu fallegt. Skvísurnar í vinnunni mæla með því að maður leiri sér bara tölur, æi mér finnst það eitthvða óspennandi, en samt er ég alvarlega að gæla við það. Tölurnar verða þá allavega alveg eins og ég vil hafa þær.

En hvar kaupi þið ykkar tölur? Pantið þið þær af netinu og þá hvar?

Hafi þið séð...

nýjasta Hús og híbýli?
svolítið töff!
Verð að viðurkenna það.

strákar og meiri strákar

Við strákamömmur eigum það til að kvarta smá yfir því hvað það er miklu meira fallegt til fyrir stelpur en stráka. Við förum í barnafataverlsun og þar er búðin troðfull af bleiku, blúndum, tjulli og öðru krúsidúllu-dóti, innst í einu horninu er svo "stráka úrvalið", svart, ljótu karla, bíla og íþróttaföt. En það er ekki alveg rétt, jú auðvita er miklu, miklu, miklu, meira dúllerí til fyrir stelpur en það er ótrúlega mikið til líka fyrir stráka.

Á I'm Am Momma Hear Me Roar eru oft frábærar hugmyndir fyrir stráka mömmur. Þá er bara málið að taka upp box-hanskana og fá þá til að nota allt þetta fallega sem hægt er að gera. Alveg skelfilegt þegar krakkar hafa sjálfstæðar hugmyndir um hvað þau vilja vera í... hvað er það?

Þetta er auðvita alveg skvalega nördalegt og sætt. Ég hlakka ekkert smá til að gera þetta handa Högna

Svo eru það strákar með slaufur og bindi og köku yfirvaraskegg. Hvað er sætara?
Ekki skemma glösin þeirra fyrir. Talandi um krúttsprengju!

Kallalegir strákar eru svo miklu flottari en kellingalegar stelpur.

Hver vill ekki svona samloku?

Fleirri Prjónaperlur - More of Iceland knits

Ótrúlegt hvað tíminn flýgur. Það fer að líða að því að prjónabók no. 2 sem ég tek þátt í fæðist. Ekkert smá gaman að taka þátt í því ævintýri. Ég á 4 uppskriftir í þeirri bók og hefði aldrei trúað því í fyrsta lagi að ég gæti þetta og í öðrulagi hvað þetta er skemmtilegt.

Sætasta fyrirsætan er án efa Högni...
sammála?

krúttaralegt strákavesti sem ég prjónaði ekki

Ábending - point taken

Stóra systir var að skoða z-una og benti pent á að ég væri ekki alveg nógu passasöm með hvar ég væri að taka myndir. Vandað verður betur til verka í framtíðinni. Sígarettustubbar eru ekki alveg nógu "hómí".

Hún hirti líka steinana þrjá, sem er ágætt, því ef að ég held eftir öllu því sem ég geri þá enda ég með heklaðar klósettsetur og blúndprjónaðar sófasessur.

My older sister was browsing through z-an and pointed out that I was not quite good at finding places for my photos. I will step up my quality. Cigarettes are not very smart.

She also took the three stones, which is good, because if I would keep behind everything I do, I will end up with crocheted toilet and knitted sofa cushions.

Að læra

Er að læra á photoshop...

ólokið - unfinished

Ég hef sjaldan eða aldrei verið með jafn mörg verkefni í gangi sem ég fæ mig ekki til að ljúka. Á sama tíma hef ég sjaldan eða aldrei langað að byrja á jafn mörgum verkefnum. Þróun sem gæti endað illa.

Ég hef alltaf haft áhuga á graffity skrifaði meira að segja BA ritgerðina mina í mannfræði um graff, mjög skemmtilegt. En ég held að leggi ekki í prjóna graff... ...samt mjög töff!



----
I have seldom or never had as many projects as now, that I do not get finished. At the same time I have seldom or never wanted to start as many new projects. Development that could end badly.

I've always been interested in graffit, I even wrote my BA thesis in anthropology on Graff, very fun. But I think that I will never get into Graff-knitting ... ... Still very cool!

hvar á að byrja?

Ég er í tómu rugli. Fyrst þegar ég ákvað að leggja í að vera með handavinnu blogg var ég viss um að ég gæti ekki haldið því úti lengi. Þe að ég hefði ekki nægar hugmyndir til að setja hérna fram. Því er víst öðruvísi farið, ég framkvæmi nóg, er bara ekki nógu dugleg að taka af því myndir til að setja hérna inn. Það verður vonandi bót á því máli.

Nú er það valkvíðinn sem hrjáir mig. Ætli ég hafi ekki byrjað á þremur eða fjórum verkefnum í gær, rakti þau öll upp og var aldrei ánægð.

Ætli ég taki ekki upp þráðinn á Áttblaðarósapeysunni stefnan var jú að klára hana fyrir 17. júní. Núna er stefnan að klára hana fyrir 17. júní 2011 :)

Best að setja upp andlitið og byrja að prjóna!




















---
I'm a mess. First when I thought about posting a knit/craft-blog I was sure I could not keep it out for long. Now I have enough ideas to put forward, I have plenty of ideas, I´m just not to clever enough to take the photos and post them hear. Hopefully I will handle that matter sooner then later.

Now I have a anxiety to choose what to do. Yesterday I started on three og four projects, tore them all up and was never satisfied.


I just might start again on the Áttblaðarósapeysunni, the plan was to finish it before 17th of June. Now I intend to finish it before 17th of June 2011 :)

Well I need to put on my make up and start knitting!

Færeyjar

Var að koma úr frábærri ferð þar sem fjölskyldan eyddi Verslunarmannahelginni í Færeyjum, en þar býr lopinn. Þóra mágkona mín ættleiddi fullt fullt af girnilegum lopa og ég er svo sem ekkert alveg saklaus heldur.

Ferðin var endalaus uppspretta af girnilegum prjónahugmyndum hugmyndum. En mekka færeyskrar hönnunar að okkar mati var Guðrún og Guðrún.

Svo var færeyskt frændfólk heimsótt, góður matur snæddur og mjög vondur líka. Skerpukjötið kom skemmtilega á óvart og lendir í flokk með góðum mat. Sniglarnir lenda aftur á móti með barbí-löppum.

Svo var líka gaman að upplifa það að vera í útlöndum og skilja tungumálið.

Já sem sagt ekki beint föndur blogg að sinni, en nóg er að taka.

Þarf að koma smá skipulagi á þetta hjá mér, kannski að hafa föndurblogg einu sinni í viku eða svo... gæti verið sniðugt? Veit samt ekki hversu hörð ég á að vera við sjálfan mig.

kemur í ljós!
þetta blogg jafnast á við "hvað var í matinn blogg"

-respect
M

-----
Just arrived from the Faroe Islands, where "lopi" lives. Thora my sister-in-law adopted full bag of delicious lopi and I'm not so innocent either. The journey was endless source of jummy ideas, knitting ideas. But the mecca of Faroese design in our opinion was Guðrún and Guðrún.

We visited our Faroese relatives and we had good food and very evil as well. Skerpukjöt was a pleasant surprise but the snails on the other hand tasted like Barby-feet. It was also fun to experience being abroad and understand the language.

Yes it isn't a crafting blog this time. I need to put some structure on this for myself, maybe to post a crafting blog once a week or so ... may be a good idea? But I´m not sure how hard I should be on myself. I do have endless ideas, and few allredy done.

..But this blog can match the "what was for dinner blog"
-Respect M