Örlítið föndur

Ég er í bölvuðu veseni með að setja inn myndir allt í einu. Var með þrjár svona step-by-step myndir til að sýna en svo get ég bara sett eina mynd inn. Þannig að hún verður að duga. Málið er að ég er að selja Tupperware sem er ekki frásögu færandi (nema þú viljir halda kynningu þá bara að bjalla blikk blikk), nema að mér var bent á þetta frábæra trix um daginn með Tupperware dósaopnaranum. 

Sko! Opnarinn er alveg frábær, í stað þess að skera niður í lokið og búa til beittar brúnir þá sker hann í kringum dósina. Þetta verðu til þess að maður sker sig ekki á köntunum og jafnvel er hægt að tilla lokinu aftur á dósina. 

En núna er ég að fara í afmæli hjá einum flottasta áttar frænda mínum og í stað þess að opna dósina eins og gert ráð fyrir með flipanum þarna að ofan. Þá að opna dósina með TW dósaopnaranum að neðan. Svo er gjöfinni rúllað upp (á að vera mynd af því) og botninn límdur aftur með límbyssu. Þá er gjöfin tilbúin í loftþéttum umbúðum, eða svona næstum! Og ég hlakka mikið til að spæla afmælisguttann með niðursoðinni dós í stað þess að gefa honum "alvöru" pakka.

Geymskip* til að skoða Plútó, Satúrnus og hinar pláneturnar

Högni ákvað að taka upp á því að næla sér í hita í vikunni. Á degi tvö var hann alveg staðráðinn í því að hann varð, bara varð, að eignast geymskip. Ég átti helst að draga fullkomið hvítt geymskip með rauðum punktum (hans lýsing) upp úr skúffunni svona einn tveir og þrír. En það varð ekki.

Í staðinn fundum við lélegann kassa (sem nóg er af hérna í flutningunum) og föndruðum okkar geymskip sjálf. Það varð að vísu ekki hvítt né með rauðum punktum. En flott er það! Og Högni vildi helst sofa með það upp í rúmi hjá sér. Gat sem betur fer talað hann af því...

Ágætt að hafa verkefni fyrir stubbinn í veikindunum. Það voru teknir nokkrir lúrar á meðan málningi var að þorna
Svo voru menn svolítið montnir með sig þegar verkinu lauk. Enda ekki margir sem smíða geymskip á einum degi og það líka veikir!

Whalla!!! Plúto, Satúnus og Úranus, hér komum við með viðkomu hjá Sólinni!

*viðbætur: Hvort ætli sé hentugra að kenna svefnleysi um eða mjólkurþoku?!? Geimskip er búið til úr áli, plasti og lakki, Geymskip aftur á móti pappa, límbandi og akríl-litum...

Mottu mars

Mottu mars er runnin upp. Það eru vissulega skiptar skoðanir um hvort mottur séu töff eða ekki. Að mínu mati er fátt meira töff en yfirvarskegg, just love it!

Vinkona mín aftur á móti vill meina að mars sé valinn sérstaklega fyrir motturnar til þess að reyna að koma í veg fyrir að börn fæðist í desember. Ekki svo vitlaust það !

Þar sem strákarnir mínir eru enn of ungir til að safna skeggi þjá hjálpaði ég ögn til.

Ekki segja mér að þetta sé ekki kjút :)

Ef ég væri orðin lítil fluga

...er ekki að fara að vora? Mig dreymir um að slást við randaflugur á stærð við fugla og bölva þeim þegar þær smygla sér hingað inn.

En þar sem það er langt í sumarið og heita sólargeisla ákvað ég að hekla mér randaflugu, svo alltaf þegar ég fæ löngun til að fæla þær út, get ég gert það :)


Þessi fluga á rætur sínar að rekja til framhalsskóla áranna, þegar óendanlegar flugur og fiðrildi voru teiknaðar í glósubókina. Þær litu nokkurnvegin svona út.

Ef þú hefur áhuga á að prófa að hekla þér vorflugu þá láttu mig bara vita :)

Gullfiskurinn Þormóður

Sjávar þemað heldur áfram. Þessi litli fiskur er tileinkaður öllum fiskunum í lífinu okkar, hvort sem þeir eru fæddir í merki fiskanna, étnir á mánudögum eða prýða fiskabúrin okkar. Fiskar eru svo skemmtilegir.

Hann er heklaður úr alskonar afgöngum og því marglita. Augun eru keypt í föndurbúð, en ég held að ég sé hrifnari að útsaumuðum augum. Eins og annað þá er til uppskrift að þessum fyrir heklara sem eru til í að gefa mér komment um uppskriftina svo hún verði auðskiljanlegri.

Kerti í rökkrinu

Það er fátt betra en að kúra í rökkrinu. Þessa dagana hef ég fullkomna ástæðu til að kúra hjá litla kútnum mínum. Himneskt!

...og þá er fátt betra en að kveikja á nokkrum kertum og allt verður ljúfara.

Þar sem ég á erfitt með að henda hinu og þessu á ég nóg af barnamatskrukkum frá því að frumburðurinn var nærri tannlaus. Ég fann þrjár sem allar voru af sömu stærð og gerð, og þreif límið af þeim með naglalakka hreinsi. Svo fann ég blúndu ofan í skúffu sem ég skellti utan um. Upphaflega ætlaði ég að hekla blúnduna, en tíminn sem ég hef þessa dagana í föndur er ekki of mikill svo að ég lét blúnduna duga. Kertin fást svo í Tiger á lítið sem ekkert! Ódýrt, hómý og fallegt!

Hin mörgu andlit Högna

Högni vildi endilega prjóna fyrir "litlabarnið" og fékk þá eins og svo oft áður prjóna og smá garnspotta til að "hræra í", þetta er mikið sport og þolinmæðin endist í ca. 5 sec. eða svo.

Á meðann hann var að "prjóna" sagðist hann þurfa að "fá skegg, eins og pabbi" sem er svolítið fyndið því að pabbi hans er eins og Njáll á Bergþórshvoli, honum varla vex skegg. En hvernig er hægt að bregðast svona fallegri bón? Svo gamla gæran frá mömmu var tekin fram, stutt teygja og skæri og Högni fékk skegg, eins og tröll (já áherslurnar breytast hratt þegar maður er tveggja og hálfs).

Hin mörgu andlit Högna, gjörið svo vel...

Víkingahúfa

Við fórum á víkingahátíð í Hafnafirði um daginn. Högni var yfir sig hrifinn af víkingunum og kallaði hátt og snjallt "Óðinn, Óðinn!" og "Víkingarnir slást!"


Hann var svolítið hræddur við þá, en samt voru víkingarnir meira spennandi. Svo ótinn var láttinn víkja. Enda fékk hann að halda á hníf! hversu töff er það?

Á einu trítli um miðbæinn þar sem ekki er þverfótað fyrir túristaverslunum sáum við plast sverð og hjálm og mamman bara varð. Enda varð drengurinn himinlifandi glaður. Þetta dót hefur fylgt honum hvert skref, jafnvel í bólið. Hann kallar hátt og snjalt "Óðinn" og svo á hann það til að detta í gólfið (mamman vill meina að hann detti, hann sjálfur segist deyja, sem mér finnst ekki alveg nógu gott).
Afi Þór fór svo með honum í stuttan göngutúr um Garðabæ þegar það var miðsumarhátíð og Högni sló að sjálfsögðu í gegn. Enda kann hann víkinga taktana.

Svo mátti ég til með að prjóna víkingahúfu á karlinn. Hérna er uppskriftin Víkingahúfa, ég veit ekki hvort hún sé 100% þar sem enginn hefur lesið hana yfir en hún er einföld. Allar ábendingar eru vel þegnar á marinthors@gmail.com og ekki er verra að fá sendar myndir ef þið ákveðið að skella í eina húfu fyrir lítinn víking.

Hjartagull

Bloggið hefur fengið að sitja á hakanum síðustu vikur. Andleysið er svakalegt og framkvæmdin engin. Þó tók ég með mér heklunálina og smá garn út og þegar ég sá þessa færslu hér hjá þeim Prjónaperlu frænkum mátti ég til með að föndra nokkur hjörtu. Ég skildi þau svo eftir hér og þar öðrum til skemmtunar, svona my way of knitt-graff.

Ég er auðvita svaklegt rebel!

Fljótlegt föndur með öllum

Það er svo gaman að föndra og það geta allir föndrað. Mér finnst samt ótrúlega gaman þegar sé hvað Högni getur verið flínkur og flottur. Við föndruðum smá gluggaskraut um daginn til að lífga upp á gráan hversdagsleikann. Dagarnir voru sérstaklega gráir þar sem öll jólaljós voru tekin niður í vikunni og veðrið heldur blautt og ...já grátt!
Það sem þarf er spottar í mörgum litum (ekki vitlaust verkefni eftir að maður er búin að prjóna peysu í mörgum, mörgum litum og allir endar frágengnir)
Svo þarf límtúpu með fljótandi lími sem verður glært þegar það þornar. Límstifti gengur ekki, en trélím gæti gengið.
Plastdúkur til að leggja frá sér og svo er hann líka góður fyrir borðið og einn pappadisk.

Þá er málið að hellið góðum slatta af líminu á diskinn. Því næst er garnið sett út í límið. Þá hefst vinnan fyrir alvöru. Þekja þarf alla spottana með lími. Því meira lím því betra, eða svona næstum því. Ekki má vera þurr blettur á garninu.

Eftir að garnið er vel þakið lími er, spottunum raðað á plastdúkinn eftir miklu og listilegu innsæi. Því næst þarf límið að þorna. Það getur tekið smá stund að láta límið þorna, jafnvel heila nótt. Best er að það sé alveg þurt, enga óþolinmæði hér, takk fyrir! Eftir það er skautið plokkað af dúknum, girnið þrætt upp á og fallega gluggaskrautið hengt upp.

Ekki verra að eiga listamann í fjölskyldunn!

Góðverk fyrir jólin

Það er hópur á Facebook að prjóna ungbarnahúfur fyrir Vökudeild. Ég var svo heppin þegar ég átti Högna að sleppa því að fara þar inn. Högni lét mig aftur á móti bera sig í rétt tæpar tvær viku framyfir settan dag, en það er allt önnur saga.

Ég stóðst ekki mátið og prónaði nokkrar húfur. Þær vildu hafa það bómull, en ég prjónaði þær úr noskri ull, finnst það fallegra. Svo gáfu þær upp uppskrift hér og hér þannig að verkið var ekki flókið, bara að gefa sér nokkrar stundir og fyrr en varir var ég komin með 7 húfur. Ein húfa fyrir hvert frændsyskini hans Högna sem hefur ekki þurft að fara á Vöku, Arna, Þór, Helga María, Högni, Kristófer og Eyrún og svo er sjöunda barnið á leiðinni.

Þverslaufa fyrir sæta stráka - bow tie for cute boys

Ég hef komið sjálfri mér stundum á óvart þegar kemur að handavinnu, það er ótrúlegt hvað hægt er að gera þegar maður rýnir í flókin munstur nýjar uppskriftir eða prófar eitthvað sem maður telur að maður geti als ekki gert. Og viti menn, maður kemur sjálfum sér á óvart með því að geta það!

Að taka þátt í prjónabók var eitthvað sem ég hélt að ég gæti aldrei gert og mundi aldrei gera, en viti menn. Eftir að ég sest niður og reynt, varð til þess að ég hef tekið þátt ótrúlega skemmtilegu prjónaævintýri með Prjónaperlum.


Eitt af því sem mér finnst sárlega vantar eru sætir litlir hlutir fyrir stráka til lífga upp á daginn. Og hvað er herralegra en þverslaufa? Þetta er lítið og skemmtilegt prjónaföndur sem ekkert mál er að klára á einu kvöldi og það sem betra er að það er auðveldlega hægt að nota afganga í.
Uppskriftin er einföld, hægt er að nota hvaða garn sem er og í raun hvaða prjóna sem er. Ég nota Kambgarn en hægt er að nota hvaðgarn sem er sem hentar prjónum no. 2,5

Fitjið upp 30 lykkjur og skiptið þeim jafnt niður á 3 prjóna og tengið í hring.
Næstu 2 umferðir eru prjónaðar slétt.
3 umferð er prjónuð brugðin.
Næst er prjónað slétt þar til stykkið mælist 8 cm.
Þá er prjónuð ein umferð brugðin og
næstu tvær umferðir eru prjónaðar slétt.
Fellið af.

Brjótið upp á opnu endana við brugðnu umferðina. Saumið slaufuna saman.

Miðstykkið er prjónað svona:
Fitjið upp 5 lykkjur þessar lykkjur eru prjónaðar fram og til baka. Slétt á réttunni og brugðið á röngunni þar til það er nægilega langt til að passa utan um slaufuna sjálfa. Fellið af og saumið bútinn saman utan um slaufuna. Festið nælu aftan við og nælið í fyrsta herramanninn sem þið sjáið.

-----
I do sometimes surprise myself. I do things that I never think I will, or can, do. It's amazing what you can do when you follow a complex or new pattern or tray something that you think you would never believe you could do. And you really can do it!

Participating in the making of a knitting book was something I thought I could never, and would, never do. But just after having tried it, became my amazing knitting adventures with Prjónaperlur.

One of the things I feel desperately needed in the craft-world are cute little things for boys, it just will bring more fun to the day! And really what is cuter then a bow tie? This is a small and fun knit project that will be easy to finish in one night and what is better, it is perfect for leftovers yarn!

The pattern is simple, you can use any yarn that fits needles no. 2,5 (2,5 for Europe is 1 or 2 for USA and 12 or 13 for UK)

Cast on 30 loops and divide them evenly on 3 needles and connect them into a ring.
Round 1-2: knit
Round 3 purl
Next, knit until piece measures 8 cm.
Then purl one round
the last two rounds are knitted.
Cast off

Fold the open ends and saw them together.

The little thing in the middle is knitted like this:
Cast on 5 loops, these loops are knitted back and forth. Knit one side and purl on the other until it is sufficiently long to fit around the bow tie. Cast of.
Saw it together in please it in the middle of the bow tie.
Attach a pin in the back and give it to the cutest boy you see.

Jólakúl

Þegar maður dettur niður á fallegt heimagert jólaskraut má maður til með að deila því. Á blogginu Lopinn af kindinni okkar, var birt í fyrra uppskrift af lopa jólakúlu, eða jólakúl. Ótrúlega einfallt og fallegt föndur. Ég prjónaði ófáar í fyrra, sumar fóru á pakka, aðrar voru í pakka og enn aðrar fóru á jólatréð. Brota, brot af jólaföndrinu 2009.

Love is in the air

Ína systir kom með alla gríslingana í heimsókn í gær. Það var svo gaman og svo mikil ást í loftinu!

My sister Ína came for a short visit yesterday, with all her kids. It was so much fun and so much love in the air!

Göngutúr - strolling

Ég fór í göngutúr með Högna hagamús um daginn. Eins og svo oft áður fórum við á Bjarnastígsróló, hann er í miklu uppáhaldi. Endlaust hægt að "lóla" og "lenna" þar. Auðvita var ég með myndavélina með mér, en þar sá ég þessa líka ævintýralegu steina...

...eða næstum því! Jú jú ég vissulega fór með Högna á rólóinn en því miður voru steinarnir þar ekki áður en við komum. Ég smellti nokkrum myndum af þeim og gældi í stutta stund við þá hugsun að skilja þá eftir svo einhver gæti fundið þá og vonandi fundist þeir ævintýralegir. En svo tímdi ég því ekki. Ekki alveg strax, kannski seinna.

Hugmyndin er auðvita ekki alveg mín. Sá þetta fyrir svolitlu á röltinu um netið og svo aftur á systraseiði. Stóðst ekki mátið eftir fjöruferðina og heklað nokkra steina.

-----

I went for a walk with Högni the other day. As so often we went to the small playground near by, Bjarnastígsróló. We really like it we can go to the swing and the slight. Of course I had my camera with me, but I saw this fariytale rocks...

...or not! Yes yes I certainly took Högni to the playground, but the rocks were not their before we came. I did think for a moment to leave them behind so someone could find them and think they were from a fariytale but I didn't. Maybe later.

The idea is of course not just mine. I saw it fist when I was taking a walk in cyberspace and then later at this website. Could not resist making them after our fun trip to the beach and crocheted a few rocks.

Prjónað blóm og gesta blogg

Það er búið að vera gaman að skella hérna inn einu og einu föndri sem ég hef verið að gera. Mun skemmtilegra en ég hélt að þetta yrði. Það er líka ágætt að halda hugmyndum og framleiðslu á einum stað. Nú er Z-an orðin að alvöru bloggi því að í fyrsta sinn er gesta bloggari með föndur og það ekki föndrari af verri endanum. Þetta er enginn önnur en hún mamma mín!

Mamma er frábær handavinnu kona, algjör listakona, hún hefur saumað og prjónað og skapað frá því að ég man eftir mér. Hún er ein af þessum konum sem lét okkur systkinin mála á gardínurnar okkar sjálf í herbergið og saumaði jólafötin á okkur.

Um daginn hittust þær vinkonurnar og voru að prjóna blóm sem ein í hópnum hafði pikkað upp í kassaröðinni í Bónus. Já hún í alvöru! Hún stóð í röðinni og sá þetta líka fína blóm og starði svo lengi á það og náði að telja það út. Ég veit ekki hvort blómið lítur 100% eins út, en það er allavega mjög fallegt og mamma er búin að sitja sveitt og prjóna og prjón. Blómin verða nefnilega gjöf til kennara sem eru í alþjóðlegu samstarfi með mömmu í skólanum hennar.

Mamma var svo ljúf að rumpa upp kennslumyndbandi á blóminu og hér kemur það.

Svona lítur blómið út og uppskriftin hér að neðan:

Blóm

Lopi light og prjónar no. 3 ½

1. umf. Fitja upp 6 l

2. umf. *taka óprjónaða l. fram af og prjóna 2 l. slá uppá og prjóna 3 l.

3. umf. taka fyrstu l. óprjónaða fram af prjóna sl. út prjóninn

4. umf. taka óprjónaða l. fram af og prjóna 2 l. slá uppá og prjóna 4 l.

5. umf. eins og 3. umferð

6. umf. taka óprjónaða l. fram af og prjóna 2 l. slá uppá og prjóna 5 l.

7. umf. eins og 3. umferð

8. umf. taka óprjónaða l. fram af og prjóna 2 l. slá uppá og prjóna 6 l.

9. umf. eins og 3. umferð

10. umf. taka óprjónaða l. fram af og prjóna 2 l. slá uppá og prjóna 7 l.

11. umf. eins og 3. umferð

12. umf. taka óprjónaða l. fram af og prjóna 2 l. slá uppá og prjóna 8 l.

13. umf. *fella 6 l. af og prjóna sl út prjóninn

14. umf. * 2. umf. – 13. umf.*

Þá eru komnir tveir tindar.

Endurtaka þetta þar til komnir eru sex tindar. Þá eru 12 l. á prjóninum. Fella af.

Þá er komin lengja með 6 tindum.

Gangið frá öðrum endandum og saumið lengjuna saman í hring, passið að gatamunstrið sé í einni línu.

Hafið tvöfaldan þráð og stingið í gatalínuna upp og niður og dragið varlega saman með lopanum.

Gangið frá og festið nælu á bakhliðinni eða saumið blómið fast í peysuna

Svo má auðvita notað stærri prjóna og grófara garn og þá verða blómin


stærri og groddaralegri, nú eða öfugt og þá verða þau fín og lítil... í raun má allt.
En þjóðlegust eru þau úr lopanum!

Takk mamma fyrir þetta :)

Flöt rós / Flat Rose

Ákvað að prófa mig áfram í rósagerðinni og gerði 3 flat-roses, en það er hægt að sjá hvernig það er gert hérna.

Í rósina notaði ég tjull-afganga sem ég átti frá þessu verkefni

Það tók mig smá tíma að átta mig á því hvernig siffonið kæmi út, en ef til vill betra að nota ögn þykkara efni eða vera með ögn meiri þolinmæði.

Hérna er afraksturinn, nokkuð fín næla! Veit ekki alveg í hvað ég ælt að nota hana, en hún kemur sennilega að góðum notum síðar.


I decided to try to do the flat rose, you can see how to here.

The fabric I used was leftovers from this project here.

It took me a while to realize how to work the fabric, but it might help to have a slightly thicker fabric or a bit more patience.

Here is the outcome, small pin! I'm not sure what to use it for, but it probably will be useful later.

Yoyo blóm

Mamma og pabbi voru bæði 60 ára rétt fyrir verslunarmannahelgi og í tilefni þess var haldin veisla. Eins og svo oft áður þá opna ég fataskápinn og finn ekki neitt. Ástæðurnar geta svo sem verið margar:

1) ég nennti ekki að þvo þvottinn og því ekkert hreint (allt of algengt)
2) allt er svart í fataskápnum og því ómögulegt að finna nokkurn skapaðann hlut þar inni (því miður satt).
3) og mikið notuð afsökun ég hef ekki verslað mér föt í háa herrans tíð (alveg dagsatt!)

Það voru því góð ráð dýr, ég dró fram gamlan en fallegan svartan bol sem ég hef lítið sem ekkert notað. Síðan fann ég efnisafganga af kjól sem hefur sitið hálf kláraður í Hagkaupspoka frá því herrans ári 2007 og ég fór að dunda mér við Yo Yo dúllur sem ég hef áður talað um. Það eru til mörg hundruð DIY myndbönd og færslur um Yo Yo dúllur og hér kemur ein til viðbótar by-yours-truly!



















Til þess að Yo Yó blómið sé fallegt þarf efnið að vera fallegt, ég er mjög hrifin af þessum blágráa efni. Verst að kjóllinn varð aldrei til.




















Svo var að finna skál sem var hæfileg til að búa til sniðið. Ekki er verra að hafa skálina svolítið fallega, það er bara skemmtilegra að vinna með fallega hluti.




















Auðvita fann ég ekki fatakrítina sem ég keypti dýrum dómum um daginn, svo að krítarnar hans Högna voru notaðar í staðin. Einn hringur í kringum skálina og whalla.... tilbúið til að klippa.




















Þá byrjar saumaskapurinn mikli. Brjótið upp á endann á efninu og saumið með litlum sporum allan hringinn.
























Það er víst þannig að því smærra sem sporið eru því minna verður gatið í miðjunni. Ég var ekki nógu ánægð með gatið í miðjunni, fannst það ekki nógu fallegt svo að ég náði í kistillinn minn fína frá því að ég var 14 ára gelgja í Mosó.

























Það er nefnilega smá kostur að vera safnari, ég hef ekki hent perlu úr hálsfesti né teygju sem hefur slitnað síðustu ár. Allt fer í kistillinn. Enda hefur hann oftar en ekki komið að góðum notum.




















Þessar hvítu perlur voru fundnar og fengnar í verkið.

























Eftir að hafa fest perlur í gatið, leit Yo Yo blómið einhvernvegin svona út.




















Að þessu loknu stakk ég nálinni í gegnum blómið og batt hnút, þannig festi ég YoYo blómið á sinn stað.

Þá var komið að því að framleiða nokkur blóm til viðbótar og skella þeim á gamla svarta bolinn sem ég fann inni í skáp.

og þá leit bolurinn einhvernveginn svona út.

og ég var tilbúin að fá mér ískaldan svona...




















...og brakandi ferskt svona!

















P.s endilega skrifið athugasemd ef þið hafið eitthvað við að bæta!

----

Mom and dad both turned 60 just before the trip to Faro Island and to celebrate it they had a great party. As so often before, I open my closet and could not find anything to were.

The reasons can be many:
1) I do not do laundry to offen (way too common).
2) all I have is black and it is impossible to find anything in their (unfortunately true).
3) is a vary used excuse, I have not gone shopping for way to long time (quite true!).

What could I do? I drew out an old but beautiful black shirt that I have not used to much. Then I found the material leftovers of dress that has not bin finished since I started it in 2007. And I start doing some Yo Yo's (also mentioned here). There are hundreds of DIY videos and posts on Yo Yo, and here is one additional by-your-truly in Icelandic!

After the top was ready, I sure was ready for one Ice cold beer and fresh sushi with great friends.

ps. I love comments