Haustið

Haustin eru svo falleg. Þá verður allt svo fallegt. Ég tala nú ekki um fallegu strákarnir mínir á labbi um Laugardalinn.
Lífið er ljúft

slétt, krullað, sítt, stutt, ljóst eða dökt?

Það er ekki hægt að segja að ég hafi verið dugleg upp á síðkastið, en... ég er að vinna í því!


...og svo þó að ég sé ekki að pósta hérna inn þá er ekki þar með sagt að ég sé ekki að hanga á netinu og skoða allt það fallega sem verið er að gera þarna úti í cyber-space.


Ég er líka að fara í gegnum tímabil þar sem hárið á mér er afskalega ljótt, það er svona ekkert! Hlakka ekkert smá til að fara til hans Oddvars í næstu viku og láta hann gera mig gordius!

Svo stundum þegar maður að hanga á netinu þá dettur maður niður á eitthvað svona fallegt. Á síðunni A Beautiful mess má finna svo margt fallegt augnakonfekt.



og það sem meira er, að hún er búin að pósta hvernig maður ber sig að... kannski verð ég bara fín um hárið um helgina?

Föndrað til góðs

Við Eyrún Ellý Valsdóttir fimmtudagsföndrari (www.eyrun.wordpress.com) langar til að smala saman kröftugum föndrurum í samvinnu við Ungmennadeild Reykjavíkurdeildar Rauða kross Íslands.

Markmiðið er að nýta sköpunarkraftinn til að skapa nýjar vörur, fylgihluti og skraut úr gömlum fötum frá Fatsöfnun Ruða krossins. Það má segja að við ætlum að gera nýtt úr gömlu.

Um er að ræða hóp sem hittist ca 1-2 í mánuði á mánudagskvöldum kl. 20:00 (rétt búin að koma krílunum í bælið) í Rauðakrosshúsinu í Borgartúni 25. Á staðnum er allt til alls; saumavélar, efni til að föndra úr, skæri, límbyssa... bara nefna það ætti að vera þarna. Einnig verður heitt á könnunni...

Hugmyndin er að framleiða vörur sem hægt væri að selja til styrktar bágstöddum innanlands og erlendis.

Ef þú hefur áhuga á að hittast í saumaklúbbsstemmningu, drekka einn eða tvo kaffibolla og föndra í góðum félagsskap þá endilega láttu okkur vita

Við ætlum að hittast á morgun mánudaginn 25. október kl. 20:00 í Borgartúni 25

... kíktu líka á okkur á Facebook

stuttur kjóll með stuttum fyrirvara

Dúna frænka hans Halldórs hringdi í mig í sumar og spurði hvort ég væri upptekin daginn eftir, hún þurfti smá hjálp að halda. Hún var að fara í brúðkaup og eins og svo oft þegar haldið skal í slíkar veislur reynist fullir fataskápar tómir. Ég skildi vel hvað hún átti við en var nú ekki viss hvort ég gæti hjálpað, því að hún vildi að ég hjálpaði sér að sauma á sig kjól. Ég sem er bara svona la la saumakona.

Hún sagðist sjálf vera la la saumakona og saman gætum við ekki klúðrað þessu! Jæja þá ég var svo sem til í að prófa, hún kom til mín um hádegi, en brúðkaupið byrjaði klukkan fimm, sama dag, svo það var ekki mikið pláss fyrir mistök. Já smá pressa á saumaskapnum í þokkabót.

Það var nú ekkert leiðinlegt að fá Dúnu í heimsókn. Hún kom með litla gullmolann sinn hana Emmu Stefaníu sem brosti sínu breiðasta og hjalaði á gólfinu á meðan við pældum og spegúleruðum. Upp úr pokanum dró Dúna, svartan hlýrabol og bleikt jesse efni, auðvita var ekkert annað í stöðunni en að taka upp saumavélina og skærin og byrja að sauma.

Hér að neðan má sjá afraksturinn, bara nokkuð gott ekki satt?

Fleirri Prjónaperlur - More of Iceland knits

Ótrúlegt hvað tíminn flýgur. Það fer að líða að því að prjónabók no. 2 sem ég tek þátt í fæðist. Ekkert smá gaman að taka þátt í því ævintýri. Ég á 4 uppskriftir í þeirri bók og hefði aldrei trúað því í fyrsta lagi að ég gæti þetta og í öðrulagi hvað þetta er skemmtilegt.

Sætasta fyrirsætan er án efa Högni...
sammála?

krúttaralegt strákavesti sem ég prjónaði ekki

Ábending - point taken

Stóra systir var að skoða z-una og benti pent á að ég væri ekki alveg nógu passasöm með hvar ég væri að taka myndir. Vandað verður betur til verka í framtíðinni. Sígarettustubbar eru ekki alveg nógu "hómí".

Hún hirti líka steinana þrjá, sem er ágætt, því ef að ég held eftir öllu því sem ég geri þá enda ég með heklaðar klósettsetur og blúndprjónaðar sófasessur.

My older sister was browsing through z-an and pointed out that I was not quite good at finding places for my photos. I will step up my quality. Cigarettes are not very smart.

She also took the three stones, which is good, because if I would keep behind everything I do, I will end up with crocheted toilet and knitted sofa cushions.

Love is in the air

Ína systir kom með alla gríslingana í heimsókn í gær. Það var svo gaman og svo mikil ást í loftinu!

My sister Ína came for a short visit yesterday, with all her kids. It was so much fun and so much love in the air!

Göngutúr - strolling

Ég fór í göngutúr með Högna hagamús um daginn. Eins og svo oft áður fórum við á Bjarnastígsróló, hann er í miklu uppáhaldi. Endlaust hægt að "lóla" og "lenna" þar. Auðvita var ég með myndavélina með mér, en þar sá ég þessa líka ævintýralegu steina...

...eða næstum því! Jú jú ég vissulega fór með Högna á rólóinn en því miður voru steinarnir þar ekki áður en við komum. Ég smellti nokkrum myndum af þeim og gældi í stutta stund við þá hugsun að skilja þá eftir svo einhver gæti fundið þá og vonandi fundist þeir ævintýralegir. En svo tímdi ég því ekki. Ekki alveg strax, kannski seinna.

Hugmyndin er auðvita ekki alveg mín. Sá þetta fyrir svolitlu á röltinu um netið og svo aftur á systraseiði. Stóðst ekki mátið eftir fjöruferðina og heklað nokkra steina.

-----

I went for a walk with Högni the other day. As so often we went to the small playground near by, Bjarnastígsróló. We really like it we can go to the swing and the slight. Of course I had my camera with me, but I saw this fariytale rocks...

...or not! Yes yes I certainly took Högni to the playground, but the rocks were not their before we came. I did think for a moment to leave them behind so someone could find them and think they were from a fariytale but I didn't. Maybe later.

The idea is of course not just mine. I saw it fist when I was taking a walk in cyberspace and then later at this website. Could not resist making them after our fun trip to the beach and crocheted a few rocks.

Prjónað blóm og gesta blogg

Það er búið að vera gaman að skella hérna inn einu og einu föndri sem ég hef verið að gera. Mun skemmtilegra en ég hélt að þetta yrði. Það er líka ágætt að halda hugmyndum og framleiðslu á einum stað. Nú er Z-an orðin að alvöru bloggi því að í fyrsta sinn er gesta bloggari með föndur og það ekki föndrari af verri endanum. Þetta er enginn önnur en hún mamma mín!

Mamma er frábær handavinnu kona, algjör listakona, hún hefur saumað og prjónað og skapað frá því að ég man eftir mér. Hún er ein af þessum konum sem lét okkur systkinin mála á gardínurnar okkar sjálf í herbergið og saumaði jólafötin á okkur.

Um daginn hittust þær vinkonurnar og voru að prjóna blóm sem ein í hópnum hafði pikkað upp í kassaröðinni í Bónus. Já hún í alvöru! Hún stóð í röðinni og sá þetta líka fína blóm og starði svo lengi á það og náði að telja það út. Ég veit ekki hvort blómið lítur 100% eins út, en það er allavega mjög fallegt og mamma er búin að sitja sveitt og prjóna og prjón. Blómin verða nefnilega gjöf til kennara sem eru í alþjóðlegu samstarfi með mömmu í skólanum hennar.

Mamma var svo ljúf að rumpa upp kennslumyndbandi á blóminu og hér kemur það.

Svona lítur blómið út og uppskriftin hér að neðan:

Blóm

Lopi light og prjónar no. 3 ½

1. umf. Fitja upp 6 l

2. umf. *taka óprjónaða l. fram af og prjóna 2 l. slá uppá og prjóna 3 l.

3. umf. taka fyrstu l. óprjónaða fram af prjóna sl. út prjóninn

4. umf. taka óprjónaða l. fram af og prjóna 2 l. slá uppá og prjóna 4 l.

5. umf. eins og 3. umferð

6. umf. taka óprjónaða l. fram af og prjóna 2 l. slá uppá og prjóna 5 l.

7. umf. eins og 3. umferð

8. umf. taka óprjónaða l. fram af og prjóna 2 l. slá uppá og prjóna 6 l.

9. umf. eins og 3. umferð

10. umf. taka óprjónaða l. fram af og prjóna 2 l. slá uppá og prjóna 7 l.

11. umf. eins og 3. umferð

12. umf. taka óprjónaða l. fram af og prjóna 2 l. slá uppá og prjóna 8 l.

13. umf. *fella 6 l. af og prjóna sl út prjóninn

14. umf. * 2. umf. – 13. umf.*

Þá eru komnir tveir tindar.

Endurtaka þetta þar til komnir eru sex tindar. Þá eru 12 l. á prjóninum. Fella af.

Þá er komin lengja með 6 tindum.

Gangið frá öðrum endandum og saumið lengjuna saman í hring, passið að gatamunstrið sé í einni línu.

Hafið tvöfaldan þráð og stingið í gatalínuna upp og niður og dragið varlega saman með lopanum.

Gangið frá og festið nælu á bakhliðinni eða saumið blómið fast í peysuna

Svo má auðvita notað stærri prjóna og grófara garn og þá verða blómin


stærri og groddaralegri, nú eða öfugt og þá verða þau fín og lítil... í raun má allt.
En þjóðlegust eru þau úr lopanum!

Takk mamma fyrir þetta :)

Að láta gott af sér leiða

Það eru svo margar leiðir til að láta gott af sér leiða og sumar leiðir eru svo skemmtilegar. Til dæmis eins og að föndra. Kópavogsdeild Rauða krossins er með Hönnunarhóp sem er skipaður ofsalega flottum stelpum (já allt stelpur) þær föndra og skapa úr notuðum fötum og selja svo á mörkuðum deildarinnar.

Reykjavíkurdeildin er líka með svona hóp en einhverra hluta vegna er hann ekki eins öflugur og í Kópavoginum (kalla hér eftir áhugasömum Reykjavíkurmærum).

Mér var boðið um daginn að kíkja í heimsókn í Kópavoginn, ekkert smá skemmtilegt. Hérna má lesa frétt og hvernig hægt er að taka þátt í starfinu.

Nú svo eru ekki allir sem geta/vilja föndra þá er hægt að ganga til góðs

-----

There are so many ways to do good and it can be so much fun. For example crafting! The Red Cross Kópavogs branch has a designing group, the girls (yes, all girls) come together do some sawing from used clothes and then sell it at the Red Cross markets.

Reykjavik branch also has such group but for some reason it is not as powerful as the one in Kopavogur (I hear by call for crafty girls in Reykjavik to join).

I was invited to have a small talk to the girls in Kopavogur the other day and I had so much fun. You can see all about it here.

Well if you are not into crafting then you can always Walk For Cause.

Að læra

Er að læra á photoshop...

Grótta - Grótta the beach

Það er fátt skemmtilegra en að upplifa nýja hluti með Högna. Um helgina fórum við í fyrsta sinn í fjöruferð, með góðum vinum. Karen vinkona dró sína syni (næstum á hárinu) með sér í fjöruferðina. Þeir voru ekki jafn spenntir og Högni fyrir ferðinni, en ég get nokkurnvegin fullyrt að þeir skemmtu sér ekkert síður en Högni þegar á hólminn var komið.

Högni stóð mestan tímann við sjávarmálið og gargaði á hafið, hann ætlaði sér sko að stjórna þessum öldum sem voru alltaf að narta í tærnar á honum. Ætli það sé ekki ágætt að gera sér strax grein fyrir því að Móðir náttúra lætur illa af stjórn.

There are not many things I like more than experiencing new things with Högni. Over the weekend we went for the first time to the beach, Karen a good friend and her boys came along(well she almost had to drag them by the hair). The boys were not as excited as Högni, but I can truly say that they were really liking it afterwards, just as Högni.

Högni spent most of the time yelling at the sea, I think he wanted to control these waves that were biting his toes a bit. I guess it is good to know immediately that Mother Nature is not easy to control.

Einu lokið, 500 eftir / One down, 500 to go

Jæja loks kláraði ég eitthvað! Það var ekki auðvelt og ég þurfti næstum að neyða sjálfan mig að setjast niður og festa tölurnar fimm á peysuna, en það hafðist (og tók bara 7 mín.). Þessi peysa er minni en hún sýnist á myndinni, hún er fyrir ca. 3-6 mánaða krútt sem fæddist í síðustu viku.

Þennan nýfædda prins á samstarfskona mín, en í einni kaffipásunni hafði hún af því orð að enginn í kringum hana prjónaði og að henni þætti prjónaðar flíkur svo fallegar. Það er fátt skemmtilegra en að prjóna handa þeim sem finnst prjónavörur fallegar (jafn skemmtilegt og það er leiðinlegt að prjóna fyrir þá sem ekki kunn að meta prjónaflíkur). Svo að ég ákvað að skella í peysu, enda ekki lengi að prjóna svona litlar flíkur.

Uppskriftina er að finna í prjónablaðinu Ýr, en þar er gefið upp annað garn, ég notaði Kampgarn, sömu prjóna en prjónaði uppskriftina fyrir 0-3 mán í lykkjufjölda en 3-6 á lengd. Kom bara ágætlega út. Lendi samt alltaf í smá vandræðum með að klippa, þegar ég nota annað garn en lopa. Lenti líka í þessu þegar ég prjónaði voða sætar peysur fyrir Helgu Maríu og Högna, en þá raknaði kanturinn næstum allur upp. Næst ætla ég að prófa þessa aðferð hér þegar ég opna peysu.

Nýbakaða mamman fékk að velja litina, hún vildi als ekki barnalega, ljósa, pastel og hvíta liti. Þannig að algjör andstæða þessa lita var valin. Í fyrstu var ég ekki viss, mér fannst þetta heldur djarft fyrir svona lítil kríli, en þegar þessu var loks lokið, kom þetta bara helvíti vel út þó ég segi sjálf frá.


---
Well I finally finished something! It was not easy and I almost had to force myself to sit down to put five buttons on the sweater (and it just took 7 minutes). This sweater is smaller than it appears in the picture, it is for ca. 3-6 months baby boy who was born last week.

This newborn prince is a son of a my coworker. She mention one day at coffee break that no one around her knitted and she did like knitted garments. I really like knitting for those who like knitted things (it is as much fun as it is boring to knit for those who do not appreciate knitting garments). So I decided to do the sweater, which dos not take such a long time, it is so small.

The pattern can be found in Ýr knitting magazine, they recommd a diffrent yarn but I, I used Kamp yarn (Kampgarn), I did the recipe for 0-3 month in loop number, but 3-6 in length (if you know what I mean). It came out pretty need. I always end up having a little trouble with the cut, when I use a different yarn than Lopi. It also happened when I knitted the cutest sweaters for Helga Maria and Hogni, but then the ends almost all run (is that a word?). Next I will try this method here when I open my cardigan.

The new mom picked out the colors, she didn't want it to be white and pastel colors. So it turned out to be the total opposite of those colors. At first I was not sure, I thought it was rather bold for such a small kiddo, but when this was finally completed, I rather liked it a lot, hell ye!

Haust - Autumn

Það er engin árstíð sem mér líkar meira við en haustið. Það er eitthvað í loftinu sem er svo ljúft. Lyktin er örlítið betri, ferskari.

Mér líkar í raun vel við allar árstíðirnar og finnst þær allar hafa sína kosti, en samt sem áður skarar haustið fram úr. Haustið er tíminn sem allt byrjar aftur upp á nýtt. Miklu frekar en í janúar. Skólaárið byrjar, loforð um frekari hreyfingu, fullvissa um fleiri matarboð við kertaljós, rækta fjölskylduna meira í vetur en gert var í sumar og svo framvegis og svo framvegis.

Í vor fylltist ég eldmóð og rauk út í garð, stakk upp fyrir kartöflugarði og kálgarði naut þess að verða skítug. Mamma segir að maður verði að snerta jörðina allavega einu sinni á ári, frjáls aðferð er leyfð, og eins og svo oft áður, hefur hún rétt fyrir sér. Manni líður sjaldan jafn vel eins og þegar maður hefur verið úti, í útilegu, í garðinu, í beðunum eða nálægt sjónum.

Það var í vor sem ég fékk um 10 stk af útsæði hjá Önnu vinkonu og ca. 6 stk í ísskápnum heima. Kartöflur sem höfðu spírað og fengu að fara í moldina hérna í 101. Nágrannarnir voru misánægðir með framtakið og Steingerður ekkert of bjartsýn en hughreystandi engu að síður. Ég fór svo út í dag og tók upp kartöflurnar og það var bara helvíti flott uppskera svo ég segi sjálf frá. Allir grannarnir fengu kartöflur í poka, þeir jákvæðu og þeir neikvæðu. Mér hljóp kapp í kynn og aldrei að vita nema að það verður plantað helmingi fleiri að ári.

Lífið er ljúft!

---

There is no season I like more than fall. There is something in the air it is so lovely. The scent is slightly better, fresher.

I really like all seasons and feel they all have their advantages, but still the autumn is outstanding . The fall is the time everything starts again, rather than in January. School year starts, the promise of more exercise, more certainty about many candlelight dinner, time with family is more in winter than in summer and so on and so on.

This spring, I was filled with enthusiasm and rushed out into the garden, put up yard for potato and salad and enjoyed being dirty. Mama says you have to touch the earth at least once a year, method used are up to you, and as so often she is right. I rarely feel as good as when I'm outside, camping, gardening, or near the sea.

This spring, I got about 10 pieces of potatoes from my friend Anna and I had ca. 6 pieces from my fridge at home ready to put down. The plan was to have them grow hear in Reykjavík 101. First some of my neighbors had mixed feelings about my gardening and Steingerdur was not too optimistic but reassuring nevertheless. This morning I went out and took a good look on what had grown. Hell yeh, it was good! So now all my neighbors had potatoes in a bag, both the positive once and the negative once. Now I'm unstoppable I just might planted twice as much next year

Life is sweet!

ólokið - unfinished

Ég hef sjaldan eða aldrei verið með jafn mörg verkefni í gangi sem ég fæ mig ekki til að ljúka. Á sama tíma hef ég sjaldan eða aldrei langað að byrja á jafn mörgum verkefnum. Þróun sem gæti endað illa.

Ég hef alltaf haft áhuga á graffity skrifaði meira að segja BA ritgerðina mina í mannfræði um graff, mjög skemmtilegt. En ég held að leggi ekki í prjóna graff... ...samt mjög töff!



----
I have seldom or never had as many projects as now, that I do not get finished. At the same time I have seldom or never wanted to start as many new projects. Development that could end badly.

I've always been interested in graffit, I even wrote my BA thesis in anthropology on Graff, very fun. But I think that I will never get into Graff-knitting ... ... Still very cool!

Mont blogg

Ég er voða montin af því að hafa verið kölluð til og beðin um að leiðbeina Hönnunarhópi Rauða krossins í Kópavogi. Þetta er hópur af stelpum sem koma saman aðra hverja viku og skapa og búa til nýja hluti úr gömlum og selja á mörkuðum deildarinnar. Flottur hópur.
Ég var beðin að leiðbeina þeim með slána, en ég endaði á að kenna þeim að gera blómin, því það er svo gaman að skreyta allt með þeim...

Hér koma nokkrar myndir frá kvöldinu

Flottur hópur

Blómarós

Afraksturinn fyrsta hálftímann

Hlakka til að vera boðin aftur og þá ætla ég að eyða meiri tíma með þeim. Takk fyrir mig stelpur!

Mig langar svo, mig langar svo...

....í nýja myndavél!

Til að geta tekið svona myndir eins og ég tók í Barselóna 2008

Ef maður kæmist á svona markað einu sinni í viku.

Mig langar í allt á þessum myndum ymmý.

...og nýja myndavél!

ljúfa líf!

Húsfreyjan

Ég hef ekki verið í miklu blogg stuði undarfarið. Hef dútlað í hinu og þessu en ekki klárað mikið. Það sem ég hef klárað hef ég ekki tekið myndir af, svo það er lítið til að sýna.

Fallega amma mín, var mikil handavinnu kona og ófá listaverkin sem hún skildi eftir sig, hekluð teppi og bútasaumur svo eitthvað sé nefnt. Hún var lengi vel áskrifandi af Húsfreyjunni og þegar það var verið að taka til hjá henni var stafli af gömlum Húsfreyju blöðum sem jafnvel átti að henda. Í fyrstu var ég ekki viss hvort það væri nokkuð vit í að hirða þau. Gömul blöð með mis áhugaverðum greinum um hollustu og betri lífstíl fyrir konur. Elstu blöðin frá 1980. En þegar betur er að gáð eru margir gimsteinarnir í þessum blöðum og það tekur meira en eina kvöldstund að fara í gegnum þetta.

Í blöðunum má finna hvernig hekla skal milliverk fyrir sængurföt. Prjóna uppskriftir, páska og jólaföndur, svo eitthvað sé nefnt.

Einnig er fjöldinn allur af mis girnilegum uppskriftum.

Stundum óska ég þess að ég væri húsfreyja fyrri tíma. Með uppsett hár, svuntu og í hælaskóm. Einhvernvegin er ég alveg viss um að það var meira vit í slúðrinu, sósan betri og börnin þægari... eða einhvernvegin þannig...

----

I have not been in much mood latley to blog. I have not worked seriously on anything lately and not finished much. The things I've completed I didn't take pictures of it, so I have little to show.

My beautiful grandmother, was a very crafty woman and she left so many fine handmade things behind, crochet blankets and quilts to name a few. She was a long time subscriber of Húsfreyjan (e. Housewife) and when it was time to clean out her house their was a pile of old Húsfreyjan that was to be throw away.

At first I was not sure whether it was any sense to on to them. Old issues with articles about health and better lifestyle tips for women. The oldest one since 1980. But after browsing through them I found some gemstones. It turned out, it will take more than one evening to go through them all.

You can find crochet and knitting recipes, Easter and Christmas crafts...

Also there are many delicious (and not so delicious) recipes.

Sometimes I wish that I were a housewife in the old days. With big hair, high heels and an apron. I am quite sure there was more sense in the hear says, the foot was better and the kids cleaner ... or something like that...

Gúsidúllu kisa - Cutie Pie Cat

Í júlí síðastliðnum fór ég í afmæli til Helgu Maríu "gúsídúllu" eins og hún kallar réttilega sjálfan sig og mig dauðlangaði að hekla handa henni kisu. Kisu vegna þess að við vorum nýbúin að fara í dýragarðinn Slakka þar sem kisukofinn var þétt setinn og Helga María varð kisu-sjúk. Þar sat hún svo flott og stillt (ólíkt frænda sínum sem var helv. harðhentur) með litla kisu í fanginu og klappaði henni út í eitt.

En tíminn var naumur og ég vissi ekki hvort ég mundi ná að gera kisuna, eins og ég minntist ögn á í færslunni hér. Ég vissi nokkurnvegin hvernig ég vildi að hún liti út, bleik, með bollumaga og gleraugu, alveg eins og "gúsídúllan" sjálf sem átti afmæli.

...og eftir smá yfirlegu varð þetta afraksturinn...

Bleik kisa, með bollu maga og gleraugu sem hægt er að taka af.

...en þá verður kisa svolítið nærsýn

Svo mátti ég til með að taka mynd af þeim saman. Helga er auðvita mun sætari en kisan, en saman eru þær algjört æði og ögn líkar, eða hvað?

"ohhh knúsa kisu" og líka að sýna að kisa er með borða á skottinu og dúllu-blóm á rassinum. Fyrirsætan kann þetta ;)

Ég ákvað að vera sniðug og skrifa uppskriftina niður jafn óðum og ég gerði hana. Hún er ekki beint tilbúin til að henda út á alnetið, en ef einhver er til í að fá hana senda og prófa sig áfram, þá er bara um að gera að láta mig vita og ég reyni að leiðrétta eins vel og hratt og ég get.

----

Last July I went to a birthday party to Helga Maria cutie pie as she rightly calls herself and I wanted to so much to croshey a cat for her. I choose cat because we had gone to the zoo Slakki, and their was a kitty-hut. Helga Maria was their for a good time, very nice and calm with a cat in her arms.

I didn´t have much time for the work, I knew roughly how I wanted it to turn out, pink, big belly, cat with glasses, just like the Cutie-Pie owner to be.

...after some time this was the outcome.

Pink cat with big bell and glasses, that can be taken off.

But when you take the glasses off, the cat cant see much.

I had to take picture of them together. Helga is so much sweeter then the cat but together they are totally awesome and a bit like, or what?

ohhh cuddle the cat and also showing that the cat has a ribbon on the tail and a flower on it but. The model knows how to :)

I did write down the pattern for the Cutie Pie Cat in Icelandic, it is not ready to be cast out in the big world wide but if someone is willing to receive it and experiment with it, full of errors, just mail me I will do my best to correct all errors.