Sumar koss

Við Högni nutum verðublíðunnar í morgun og ég smellti á hann kossi, honum var svo sem sama um það svo að ég smellti líka mynd.


Í göngutúrnum sáum við fullt af rósum og ég ákvað að vera eins og Disney og taka myndir af rósunum. Þær voru fleirri en ég hefði haldið. Brot af því besta

Svo þegar ég kom heim sá ég að paprikuplantan er líka farin að blómstra.

Lífið blómstrar í dag.

Ruffles and stuff

Ótrúlega falleg heimasíða sem hefur því miður hætt!

Mæli með að kíkja á hana því þarna er að finna ótrúlega fallaga hluti og kennslumyndbönd um hvernig best er að gera Ruffles and stuff.

beautiful, fragrant roses. I told her we would be moving in soon...

...hvernig var það að blogga?

Hafði maður alltaf eitthvað að segja?
Spurning um að prófa aftur, vera virðulegri og myndalegri?!?
spurning!

...það sem kreppan elur af sér

...gæti verið nýr íslenskur bansky!?!
Þennan sá ég í dag á leiðina í vinnuna og finnst hann mjög flottur!
"In cod we trust"

Stemmari vikunnar...

Jebb... þetta lýsir þessu svolítið vel. Tekið af mbl.is

Bug!

Það er margt sem böggar mig þessa dagana. Nágrannar mínir hafa einstakt lag á því að eyðileggja föstudagkvöldin sem ég hef skipulaggt í heima tjill. Með ótrúlegri lagni í leiðindum getur eitt email frá þeim skemmt kvöldstund og jafnvel viku.

Annað sem er að bugga mig er Bugaboo vagnar, liturinn sem mig langar er ekki til, verðið er of dýrt hérna heima, en einhvernvegin of mikið vesen að standa í því að versla þetta úti þegar við verðum þar.

Það þriðja sem er að bögga mig er ryk :) jebb just hate it!

Vá ekki beint eins og ég eigi erfit líf en samt næ ég að svekkja mig á þessu. Furðulegt!

O boy!

O já það er svo margt að gerast hjá z-unni þessa daga að maður veit ekki hvar best sé að byrja. Jú frumubreytingin sem á sér stað í iðrum mínum er lítill stráksi og verðandi foreldrar eru að pissa í sig af spenning. Verðandi faðirinn er búinn að versla mest fyrir barnið en hann hefur farið hamförum á netverslunum.

Brot af því sem nú þegar hefur verið keypt fyrir 0-6 mánaða gamalt barn má sjá hér...

...hvað þarf krakkinn mikið meira af fötum?

Frappó virkar

Búin að fá mér Frappó og chilla á Laugaveginum

e) chill - tékk!
ætla núna að fara að slá garðinn...
a) slá garðinn - tékk!

spéki spéki

...jæja komið að því að skrifa eitthvað gáfulegt, en er hálf ógáfuleg þessa dagana.

Allt gengur svakalega vel, ég þarf svo lítið að kvarta, er að njóta fríisins í botn en þar sem ég tók bara tvær vikur núna er ég að láta það bögga mig að fríið er núna um það bil hálfnað. Fæ mig því ekki til að gera neitt af því sem ég ætlaði að gera sem var

a) slá garðinn
b) mála gluggana í svefniherberginu
c) mála ofnana
d) þrífa eldhúsinnréttinguna
e) chilla

Ætli ég rölti ekki niður Laugaveginn stoppa í Te og Kaffi og fæ mér Frappó hjá eina kaffiþjóninum sem kann að gera góðan Frappochino. Það er ótrúlegt hvað það virðist vera erfitt fyrir aðra kaffiþjóna að gera góðan Frappochino.

Frappochino er fixið mitt þessa dagana, Cosmó kom mér upp á lagið og nú röltum við niður Laugaveginn og hlössum okkur niður í sætin "okkar" og sötrum Frappó, verð að viðurkenna að þetta er ágætt substitute fyrir rauðvín, bjór og annað áfengt sull!

Jæja best að hætta þessu hangsi og fara að gera eitthvað að viti, ætli þetta blogg hafi ekki hjálpað mér að ákveða hvað ég ætti að gera í dag?!?

Z-an kemur út úr skápnum

Var búin að stofan nýtt blogg sem var sérhæft, en nenni ekki að halda úti mörgum bloggum. Sérstaklega í ljósi þess að ég blogga mjög sjaldan, enda ekki mikill penni, þó ég væri alveg meira en lítið til í það, þe að vera góður penni þá bara er ég það ekki. Þau fáu blogg sem voru settu upp á hinni síðunni eru því komin hér í færsluna fyrir neðan og hinu blogginu verður eytt.

Nema hvað, Z-an ætlar að vinda sín kvæði í kross og gerast einlæg, ef henni dettur það í hug. Hún ætlar að blogga um óléttu eins og enginn sé morgundagurinn og ef til vill gerir hún allt sem henni fannst glatað að aðrir gerðu þegar þeir voru óléttir...

Þá er bara að vona að hún taki sig ekki of alvarlega!

Sumarplön

Sumarið er að nálgast og alltaf finnst mér jafn erfitt að skipuleggja sumarfríið mitt.
Jú ég fer eitthvað út hér og þar, en alltaf á ég uppsafnað sumarfrí sem ég nota ekki nægilega mikið til að ég nái að saxa verulega á það.

Einhvernvegin finnst mér fáránlegt að taka mér frí úr vinnu og vera heima að skúra. Finnst það ekki passa.

Verð að leggja höfuðið í bleyti og finna mér verkefni fyrir sumarið 2008.

eitt og annað

er hægt að gera, ef maður bara nennir að eyða tíma í það!

Misheppnaður brandari!

Á föstudaginn var fékk ég sendan einn af mörgum svo kölluðum föstudags tölvupóstum. Pósturinn fjallaði um það að sá sem sendi væri búin a segja upp vinnunni go gerast sjálfboðaliði einhverstaðar í ballarhafi. Mér fannst þetta frekar fyndið, lagfæðri textann ögn og sendi á vini mína og fjölskyldu. Áttaði mig svo á að þetta var víst ekki fyndið þegar ég sendi þetta því að fólk trúi þessu upp á mig, veit ekki hvort myndin sem ég sendi með var til að styrkja eða veikja mál mitt?
Dæmir hver fyrir sig!

hæ hæ
Ég vil bara segja ykkur frá því að eftir nokkra umhugsun hef ég ákveðið, að nú verður eitthvað enn nýtt að gerast í mínu lífi. Ég er búin að sækja um og fá umsjón með nýju sjálfboða verkefni hér hjá RKÍ í 2 mánuði. Ég hef ákveðið að vera sjálfboðaliði neyðarhjálparskipi og þetta er algjörlega ólaunuð vinna.
Halldór verður heima á meðan.
Ég ætla bara að fylgja hjarta mínu og gera það sem mig lengi hefur dreymt um. Og þrátt fyrir að ég verði í stríðshjáðum löndum er ég viss um að ég hef valið rétt og kem eldspæk til baka.
Ég get varla beðið eftir að leggja af stað, en það verður 20.október. Þið getið séð nýja vinnustaðinn í fylgiskjalinu.
Heyrumst

Rauðvín Rauðvín Rauðvín

Hún Kerla perla talar um 13. október og mér líst vel á. Hvar og klukkan hvað er það eina sem við eigum eftir að ákveða. Hverjir mæta er líka spurning. En eitt er víst, Fjóla, Kerla og ég verðum á staðnum. Enda nautning ótrúleg og drykkurinn góður.

Í dag

- á systir mín afmæli, hún er flottust og óska ég henni til hamingju.

- afi minn átti líka afmæli í dag, en hann fór í langa ferðalagið fyrir all löngu, veit samt að öllum þótti vænt um hann.

- sá ég líka þetta þetta myndskeið á netinu af miss S-Carolina og er alveg sjúklega fyndið. Fegurðadrotningar eru ekki bara sætar, þetta er svo miklu, miklu meira!

- og svo sá ég þetta myndskeið á mbl.is og það minnir mig ótrúlega á Litle Britan sem mér finnst líka sjúklega fyndið. "I'm not gay and I have never been gay". Akkúrat ég bara óvart slysaðist til að játa þetta á mig á sínum tíma og ... "dem"!

það er leikur að læra

Ég held að maður verði fyrst gamall/gömul þegar maður hættir að læra. Svo lengi sem maður er tilbúin að læra nýja hulti, lesa nýjar bækur og bara almennt fræðast þá er maður alltaf ung/ur.

Í ár langar mig mikið til að læra tvennt, þe sauma og sníða til að geta orðið framúrskarandi fatahönnuður í Skandínavíu sem er eitthvað svo svakalega íslenskt og flippað þessa dagana. Og svo langar mig til að læra aftur smá tónfræði, svo að ég geti allaveg spilað smá á svarta rörið mitt.

Þannig að ég fór að kíkja á Mimir.is og fann nokkur svolítið fyndin námskeið.

Til dæmis er hægt að læra að seta sér markmið, það er líka hægt að finna sinn stíl og þau sem skrá sig á námskeiðið fá einnig bókina Fatastíll en hún er innifalin í námskeiðsgjaldinu.

Þau sem eru ekki svona egósentrísk geta gerst bókmenntalega þenkjandi og fræðst um Manga bækurnar, en ég gæti trúa að það sé smá gaman. Svo er hægt að læra um Feng Shui, en ég verð að viðurkenna að mér hefur dottið það námskeið í hug fyrir suma kunninga mína sem eiga það til að raða aldrei húsgögnunum sínum í hornin heldur þvert á þau (fer óstjórnlega í taugarnar á mér og það sem fer meira í taugarnar á mér er að ég skuli láta það fara í taugarnar á mér).

Flottasta námskeiðið er aftur á móti tveggja daga námskeið í að læra á GSM-inn sinn. Farið er yfir hvernig senda á sms og finna missed calls :) SNILD!

Leitin af Sólberjablöðum

Já nú hefst hin árlega leit af Sólberjablöðum, en síðan mamma og pabbi fluttu af ættaróðalinu þá hefur verið erfitt að finna þessi blessuðu blöð. Úr blöðunum er hægt að safta og úr honum kemur dýrindis, súr og góður safi sem ég er handviss um að verði hið besta vín ef það er gerjað. Það var farið í að suða og suða í sambýlingnum og hann svona hálf lofaði að hjálpa til við bruggið.
Þannig að nú er bara að finn Sólberjatré og leyfi til að tína 2 lítra af blöðum.

Anyone?

Merkilegt!

Þá hef ég fengið staðfestingu á því að þær Kerla og Fjóla Dögg eru miklar rauðvínskonur og vita fátt betra en gott rauðvínsglas, nema þá kannski líka opin rauðvínsflaska.

Hitti svo mömmu í gær og var að spjalla við hana um daginn og vegin og hvernig helgin hafði verið. Ég að sjálfsögðu sagði henni frá matargestunum mínum

Samræður:

Mamma: Já og hverjar komu?
Z-an: Kerla og Fjóla
M. Hvaða Fjóla
Z. Fjóla Dögg
M. Nei í alvöru spilar hún ekki á fiðlu
Z. Nei flautu
M. Já mamma hennar og ég erum góðar vinkonur
Z. Nú?
M. Já hún Ásta, við vorum saman í kennó og svo í Fellaskóla. Mamma kallar á Pabba. Veistu hver var í mat á N35?
P. Nei hver?
M. Dóttir hennar Ástu!
P. Nú í alvöru!

Merkilegt finnst ykkur ekki?

Klúður

Klúður is my middle name! ...eða kannski fyrstanafn.

Fyrst er það rauðvínskvelds klúðrið með Kerlu og Fjólu, var búin að bjóða þeim stöllum í partý og var svo boðið í afmælispartý á landsbyggðinni og ég afbókaði þær. En nú virðist sem það klúður hafi af-klúðrast (eða klúðrast meira, eftir því hvernig litið er á það) og ég mun ekki leggja land undir fót um helgina þar sem ákveðið var að fara bara strákar og allt í einu var nærveru minni ekki óskað. Því ætla ég að bera allt sem til baka og vona að Kerla og Fjóla fyrigefi klúðrið

Næsta klúður var afmælið hans Ísaks sem var víst í gær, en ég var tilbúin að mæta hress og kát í dag með fínan pakka. Ég var eiginlega búin að ákveða kaupa einhvern stráka pakka en svo hef ég verið í listaverka hugleiðingum síðustu daga og heillaðist aðeins um of og var alveg viss að 10 ára strákur kynni vel að meta grafík eftir Línu Rut.

Well Ísak er vel upp alinn, brosti breytt og þakkaði mér tvisvar ef ekki þrisvar fyrir myndina og sig. Hefði verið mjög sætt, ef ég bara hefði ekki séð vonbrigðin í fallegu bláu augunum hans. En krúttið sem hann þakkaði mér svo aftur fyrir þegar ég fór heim, ... fyrir gjöfina!

Næst verður það bara fótbolta dót og stráka stöff, Hvað var ég að hugsa!

óútreiknanlekt

sumt getur verið óútreiknanlegt, sumrin eru það og þá sérstaklega helgarnar. Líkurnar á að ég fari út úr bænum næstu helgi eru afar miklar. Best að senda Kerla rauðvínsflösku og bjalla í hana eftir kl. 22:00 í kvöld og vona að hún hafi dregið tappann úr hálsinum. Getur verið að rauðvínskvöldið frestist um smá tíma :S ... sjæss